ԻՏԱԼԻԱՆ ՊԱՏՐԱՍՏ Է ՀԱՅԱՍՏԱՆԻՆ ԱՋԱԿՑԵԼ ԵՎՐԱՄԻՈՒԹՅԱՆԸ ՄԵՐՁԵՆԱԼՈՒ ՀԱՐՑՈՒՄ

PanARMENIAN.Net - Շարունակվում է Հայաստանի նախագահ Ռոբերտ Քոչարյանի պաշտոնական այցը Իտալիա: «Մեդիամաքս» գործակալության հաղորդագրության համաձայն, երեկ Իտալիայի նախագահ Կարլո Չամպին հայտարարել է, որ իր երկիրը պատրաստ է աջակցել Հայաստանին Եվրոպական Միության հետ մերձենալու գործում: «Կովկասը ռազմավարական նշանակություն ունի Եվրոպայի համար, եւ անկայունության վտանգը թուլացնում է նրա առաջխաղացման հեռանկարները», - նշել է Կ.Չամպին: «Մենք պատրաստ ենք լրջորեն զարգացնել հարաբերությունները ԵՄ-ի հետ` Եվրոպական հարեւանության քաղաքականության շրջանակներում», - Հռոմում հայտարարել է Ռոբերտ Քոչարյանը: Իտալիան մտադիր է աջակցել նաեւ Հայաստանի տնտեսական զարգացմանը` անմիջական ներդրումների ճանապարհով: Իտալիայի գործարար շրջանակների ներկայացուցիչների հետ Ռ. Քոչարյանի հանդիպման արդյունքներով ստորագրվել է Հուշագիր մանր եւ միջին բիզնեսի բնագավառում համագործակցության մասին:
 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին