Սիրիայի հարցերով ՄԱԿ-ի հատուկ բանագնաց է նշանակվել Ալժիրի ԱԳ նախկին նախարար Լահդար Բրահիմին: Այս մասին հայտարարել է կազմակերպության գլխավոր քարտուղար Պան Գի Մունը:

Մինչև Բրահիմին, հատուկ բանագնացի պաշտոնը զբաղեցնում էր Քոֆի Աննանը, ով որոշել է չերկարաձգել իր մանդատը, որի ժամկետն ավարտվում է օգոստոսի 31-ին:

Բրահիմին ալժիրյան ԱԳ նախարար է եղել 1991-1993թթ: Նա նաև աշխատել է որպես ՄԱԿ-ի հատուկ բանագնաց Իրաքում, Աֆղանստանում, Հաիթիում և Հարավային Աֆրիկայում, հաղորդում է ВВС-ի ռուսական ծառայությունը: