 Կամերային նվագախումբը նոր երաժիշտներ կունենա 26 սեպտեմբերի 2012 - 15:48 AMT PanARMENIAN.Net - Հայաստանի պետական կամերային նվագախումբը նոր երաժիշտներ կունենա: Ինչպես այսօր Երևանում կայացած մամլո ասուլիսում ասաց Հայաստանի պետական կամերային նվագախմբի գեղարվեստական ղեկավար, գլխավոր դիրիժոր Վահան Մարտիրոսյանը, դեկտեմբերի 1-ին նվագախմբի 50-ամյա հոբելյանին նվիրված գալա-համերգից հետո նախատեսվում է զբաղվել նոր երաժիշտների ընդգրկմամբ: «Ներկայումս նվագախումբը բաղկացած է 21 երաժիշտներից, դիրիժոր Արամ Ղարաբեկյանի` նվագախմբի գեղարվեստական ղեկավարի պաշտոնից հեռանալուց հետո նվագախմբից մի քանի երաժիշտներ դուրս եկան: Ուստի պետք է վերլուծենք և հասկանանք, թե ինչ կատարողների կարիք ունենք, որպեսզի հայտարարենք մրցույթ և ձեռք բերենք նոր երաժիշտներ»,- նշեց նա: Կամերային նվագախմբի տնօրեն Նորայր Նազարյանն իր հերթին հավելեց, որ նոր երաժիշտների ընդգրկումը կապված է նաև նվագախմբի ֆինանսավորման հետ: «Մենք ուզում ենք հրավիրել արտասահմանյան դիրիժորների, նվագախումբը մշտապես համագործակցում է այլ դիրիժորների հետ, դա նվագախմբի առաջխաղացման կարևոր պայմաններից մեկն է: Բայց դրա համար անհրաժեշտ է նախ և առաջ միջոցներ ապահովել»,- ասաց Նազարյանը:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է  Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիսԲաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրելԿիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել |
