Սիրիայի անվտանգության ծառայությունները երկուշաբթի օրը փակել են Դամասկոսում ՀԱՄԱՍ շարժման ներկայացուցչությունը, հաղորդում է «Ալ Ջազիրա» հեռուստաալիքը:
Գազայի հատվածում ՀԱՄԱՍ-ի ներկայացուցիչները զերծ են մնում մեկնաբանություններից, հայտարարելով, որ պետք է ստուգել տեղեկատվությունը:
«Մենք առայժմ չենք կարող հաստատել այդ տեղեկությունները: Եթե դա այդպես է, ապա կպարզենք, թե ինչ անել հետագայում»,- ասել է շարժման մամլո քարտուղար Սամի Աբու Զուխրին: