Դամասկոսը «պատերազմի հայտարարություն» է համարել սիրիական ընդդիմության` կոալիցիա ստեղծելու մասին համաձայնագիրը, չորեքշաբթի օրը հաղորդել է Ֆրանս Պրեսսը` հղելով Սիրիայի ԱԳ փոխնախարար Ֆեյսալ ալ-Միկդադաի հայտարարությունը, փոխանցում է ՌԻԱ Նովոստին:

Նախորդ կիրակի Քաթարի մայրաքաղաք Դոհայում կայացած սիրիական ընդդիմադիր ուժերի խորհրդակցության ժամանակ ստորագրվել է հեղափոխական ուժերի և ընդդիմության սիրիական ազգային կոալիցիայի ստեղծման մասին համաձայնագիր: Կոալիցիան ներկայացնում է Սիրիայի նախագահ Բաշար Ասադի բոլոր գործող հակառակորդների շահերը:

Սիրիայում արդեն մեկ ու կես տարի է չեն դադարում բախումները զինված ընդդիմության և կառավարական ուժերի միջև: Այս ընթացքում, ըստ տարբեր աղբյուրների, երկրում զոհվել է մոտ 35 հազար մարդ: