Եգիպտոսի նախագահ Մուհամեդ Մուրսիի ընդդիմադիրները մեկ շաբաթ տևողությամբ նստացույց են սկսել Կահիրեի գլխավոր հրապարակում:

Ինչպես հայտնել են ակցիայի կազմակերպիչները, ընդհանուր առմամբ ակցիային կմասնակցեն 26 շարժումների ու քաղաքական կուսակցությունների ներկայացուցիչներ: Նրանց հիմնական նպատակն է չեղյալ հայտարարել հրամանագրերը նախագահի լիազորությունների ընդլայնման մասին:

Մինչ այդ Եգիպտոսի քաղաքներում զանգվածային բողոքի ակցիաներ անցան Մուրսիի որոշումների դեմ: Ցույցերն արդյունքում ավարտվեցին բախումներով իրավապահ ուժերի հետ, հաղորդվում է 18 վիրավորների մասին: