Փորձագետների հանձնաժողովը կոչ է արել Մեխիկոյի իշխանություններին տեղափոխել Ադրբեջանի նախկին նախագահ Հեյդար Ալիևի հուշարձանը քաղաքի գլխավոր պողոտային հարող զբոսայգուց:
Ալիևի բրոնզե հուշարձանը տեղադրվել էր Ադրբեջանի դեսպանատն կողմից: Քննադատները նշում են, որ Հեյդար Ալիևը, տասը տարի գլխավորելով երկիրը, ճնշել է ընդդիմությանը:
Մեխիկոյի փորձագետների հանձնաժողովը եզրակացրել է, որ Ալիևի արձանը աններդաշնակ է Մահատմա Գանդիի ու Ավրաամ Լինքոլնի և Մեքսիկայի ազգային հերոսների հուշարձաններին:
Ալիևի հուշարձանի մասին բանավեճերը չէին դադարում տեղադրման իսկ օրից, սակայն քաղաքապետարանը դեռ չի արտահայտել իր կարծիքը այդ հարցի վերաբերյալ:
Ուրբաթ օրը Ադրբեջանը սպառնացել է դադարեցնել 4 մլրդ դոլարի ներդրումային նախագծերի իրականացումը Մեքսիկայում, եթե հուշարձանը տեղափոխվի, հայտնում է ВВС-ին: