Շուրջ 100 մարդ է զոհվել Եգիպտոսում անկարգությունների ժամանակ
Շուրջ 100 մարդ է զոհվել Եգիպտոսում անկարգությունների ժամանակ: Արդեն մի քանի օր է շարունակվում են նախագահ Մուհամմեդ Մուրսիի հրամանագրերով վրդովված քաղաքացիների ցույցերը: Նախագահը մտադիր է զգալիորեն ընդլայնել իր լիազորությունները:
Ոստիկանության հատուկ ստորաբաժանումները արցունքաբեր գազ են կիրառել Թահրիր հրապարակում ցուցարարների դեմ, ցրելու համար վրանային ավանը:
Մինչդեռ նոր գլխավոր դատախազ Թալգատ Իբրահիմը, որը նշանակվել է ուրբաթ օրը, հայտարարել է, որ մտադիր է շարունակել նախկին նախագահ Մուբարաքի ու նրա մերձավորների քրեական գործերի հետաքննությունը:
