ԱԱԽ քարտուղար. ՀՀ և ՌԴ ԱԱԽ-ները սահմանային անվտանգության զարգացման հստակ քայլեր են նախատեսում28 նոյեմբերի 2012 - 18:11 AMT PanARMENIAN.Net - Ազգային անվտանգության խորհրդի քարտուղար, Սահմանային անվտանգության հարցերով միջգերատեսչական հանձնաժողովի նախագահ Արթուր Բաղդասարյանը, ՌԴ պետական սահմանի դաշնային գործակալության ղեկավար Դմիտրի Բեզդելովը և Հայաստանում ՌԴ սահմանապահ զորքերի հրամանատար Վիկտոր Վլասովն այսօր այցելել են ՀՀ-ում ՌԴ անվտանգության դաշնային ծառայության սահմանապահ վարչության Արտաշատի տարածաշրջանի հայ-թուրքական սահմանին տեղակայված ռուսական սահմանապահ «Ռանչպար» ուղեկալ: Այս մասին PanARMENIAN.Net ին հայտնում են ԱԱԽ-ից: Արթուր Բաղդասարյանն ու Դմիտրի Բեզդելովը շրջել են պետական սահմանի տեղամասերում, հանդիպել զինվորականության հետ, ծանոթացել սահմանապահների ծառայության պայմաններին, զրուցել նրանց հետ` ծանոթանալով նրանց հուզող խնդիրներին: Արթուր Բաղդասարյանը սահմանապահներին ներկայացրել է սահամանապահ զորքերի զինծառայության մակարդակի զարգացմանն ուղղված ծրագրերը: «Հայաստանի և ՌԴ-ի ԱԱԽ-ների համագործակցության ծրագրով նախատեսվում են սահմանային անվտանգության զարգացման հստակ քայլեր: Մենք արդեն ձեռնամուխ ենք եղել սահմանային անվտանգության ռազմավարությամբ նախատեսվող Հայաստանի սահմանային անցակետերի եւ սահմանային ենթակառուցվածքների արդիականացման ծրագրի իրականացմանը: ՌԴ-ի սահմանապահ զորքերը Հայաստան-Թուրքիա եւ Հայաստան-Իրան սահմանի երկայնքով այսօր բարձր մակարդակով են իրականացնում պետական սահմանի պահպանությունը»,- ասել է Արթուր Բաղդասարյանը: Արթուր Բաղդասարյանը և Դմիտրի Բեզդելովը պատասխանել են նաև Հայաստանում ՌԴ «Ռոսգրանիցա» պետական գործակալության ներկայացուցչության բացման հետ կապված հարցերին, ըստ որի արդեն կոնկրետ պայմանավորվածություններ են ձեռք բերվել ներկայացուցչության բացման աշխատանքների իրականացման վերաբերյալ: «Ռուսական խոշորագույն գործակալության հիմնումը մեծապես կնպաստի սահմանային ենթակառուցվածքների և անցման կետերի արդիականացման աշխատանքների արդյունավետ իրականացմանը` հաշվի առնելով այն հանգամանքը, որ Հայաստան-Իրան, Հայաստան-Թուրքիա պետական սահմանի պաշտպանությունն իրականացնում են Ռուսաստանի Դաշնային սահմանապահների հատուկ ստորաբաժանումները: Դա Հայաստանի համար ունի քաղաքական, ինչպես նաև անվտանգության մակարդակի ամրապնդման և բարձրացման կարևոր նշանակություն»,- ասել է Արթուր Բաղդասարյանը: Հայաստանում Ռուսաստանի սահմանապահ վարչության ղեկավար, գեներալ-լեյտենանտ Վիկտոր Վլասովի խոսքով այսօրվա դրությամբ` ՀՀ պետական սահմաններում, որտեղ իրենք իրականացնում են սահմանապահ հերթապահություն, հանգիստ և կայուն իրավիճակ է: «Որևէ անհանգստություն գոյություն չունի: Մենք մեր առջև դրված խնդիրները բարձր մակադակով իրականացնում ենք>>,- ասել է Վ. Վլասովը: Նա գոհունակություն է հայտնել, որ ՌԴ սահմանապահ զորքերին հուզող բոլոր հարցերը գտնվում են ՀՀ ղեկավարության ուշադրության կենտրոնում: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |