ԵվրԱզԷՍ-ի և Մաքսային միության գագաթաժողովները կանցնեն Կրեմլում19 դեկտեմբերի 2012 - 11:28 AMT PanARMENIAN.Net - ԵվրԱզԷՍ գագաթաժողովը, որին կմասնակցեն Ռուսաստանի, Բելառուսի, Ղազախստանի, Ղրղզստանի և Տաջիկստանի առաջնորդները, տեղի կունենա դեկտեմբերի 19-ին Մոսկվայում: Կողմերը կքննարկեն կազմակերպության հետագա վերակազմավորումը և ֆինանսական հարցերը, այդ թվում` 2011-ին կազմակերպության բյուջեի կատարման մասին հաշվետվությունը, բյուջետային ուղերձը և 2013-ի բյուջեն, լրագրողներին հաղորդել է Ռուսաստանի նախագահի օգնական Յուրի Ուշակովը: Նույն օրը Կրեմլում տեղի կունենա Եվրասիական տնտեսական գերագույն խորհուրդը Ռուսաստանի, Բելառուսի և Ղազախստանի նախագահների մակարդակում: Խորհուրդը կքննարկի Վիետնամի հետ ազատ առևտրի մասին համաձայնագիր կնքելու մասին բանակցություններ սկսելու հարցը: Նիստի ընթացքում պլանավորվում է նաև հաստատել 2013-ի Եվրոպական տնտեսական հանձնաժողովի բյուջեի նախագիծը: ԵվրԱզԷՍ գագաթաժողովի օրակարգի կենտրոնական հարցը կդառնա ոչ միայն կազմակերպության հետագա վերակազմավորումը, այլ նաև նրա կառուցվածքի օպտիմալացումը, նշում են Կրեմլում: Ռուսաստանի, Բելառուսի և Ղազախստանի առաջնորդները Մաքսային միության և Միասնական տնտեսական տարածության բարձրագույն մարմնի` Եվրասիական տնտեսական գերագույն խորհրդի նիստում կքննարկեն երեք երկրների փոխգործակցության զարգացման և խորացման հարցերը: ԵվրԱզԷՍ-ը ստեղծվել է 2000թ. հոկտեմբերին Մաքսային միության և Միասնական տնտեսական տարածության ձևավորումն առաջ մղելու համար: 2011-ին և 2012-ին միությունում նախագահում է Ռուսաստանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սիմոնյանը և Ստեֆանչուկը քննարկել են անվտանգային վիճակը Հարավային Կովկասում և Ուկրաինայում Զրույցը տեղի է ունեցել ուկրաինական կողմի նախաձեռնությամբ Փաշինյանը մեկնել է Թեհրան Նա կմասնակցի վթարից զոհված Իրանի պաշտոնյաների հարգանքի տուրքի պաշտոնական միջոցառմանը Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը |