ՏԻՄ նախորդ ընտրությունների համեմատ 2,2 տոկոսով ավելացել է կին ավագանիների թիվը 21 դեկտեմբերի 2012 - 16:03 AMT PanARMENIAN.Net - Կառավարությունում տեղի է ունեցել ՀՀ վարչապետին կից կանանց հարցերով խորհրդի նիստ, որը վարել է վարչապետ, խորհրդի նախագահ Տիգրան Սարգսյանը։ Օրակարգի առաջին հարցով ներկայացվել են կանանց քաղաքական մասնակցության և ընդգրկվածության հիմնական ցուցանիշներն ու կառավարչական հմտությունների բարելավման առկա խնդիրները: Նշվել է, որ 2012 թվականին հանրապետությունում կայացած տեղական ինքնակառավարման մարմինների ընտրություններից առաջ կանանց համար կազմակերպվել են ընտրական գործընթացների վերաբերյալ սեմինարներ, որոնց մասնակցել է 325 կին: Նրանցից յուրաքանչյուր երկրորդն առաջադրել է իր թեկնածությունը ՏԻՄ ընտրություններին, որոնց 64 տոկոսն ընտրվել է ավագանի: Տեղեկացվել է, որ ՏԻՄ նախորդ ընտրությունների համեմատ հանրապետությունում 2,2 տոկոսով ավելացել է կին ավագանիների թիվը: Ընտրություններին առաջադրված կանանց ընտրվելու ամենաբարձր ցուցանիշն արձանագրվել է Սյունիքի մարզում, որտեղ ընտրվել է առաջադրվածներից 17,4 տոկոսը, Լոռու մարզում այդ ցուցանիշը կազմում է 12,5 տոկոս, Տավուշում՝ 9,3, Արմավիրում՝ 8,7: Մյուս մարզերում արձանագրվել են համեմատաբար ցածր ցուցանիշներ: Այնուհետև խորհրդին է ներկայացվել կանանց նկատմամբ խտրականության բոլոր ձևերի վերացման մասին ՄԱԿ-ի կոնվենցիայի համաձայն ներկայացվելիք 5-րդ և 6-րդ պարբերական զեկույցների նախապատրաստման ընթացքն ու առկա խնդիրները, գենդերային հավասարության ազգային մեխանիզմի կայացման հիմնահարցերը, գենդերային հավասարության ազգային մեխանիզմի վերաբերյալ միջազգային պահանջներին համապատասխան կանանց խորհրդի ձևափոխման հիմնախնդիրները: Քննարկվել են նաև «Լավագույն համայնքապետ՝ գենդերային խնդիրների լուծման ուղղությամբ» և «Լավագույն կին-գործարար» ՀՀ վարչապետի 2013 թվականի մրցանակաբաշխություններին առնչվող հարցեր: Անդրադարձ է կատարվել ձերբակալվածին պահելու վայրերում և կալանավայրերում կանանց խնդիրներին: Վերջին հարցի կապակցությամբ վարչապետ Սարգսյանը հանձնարարել է ստեղծել համապատասխան գերատեսչությունների ներկայացուցիչներից բաղկացած աշխատանքային խումբ, որը կքննարկի առկա բացթողումներն ու կներկայացնի համապատասխան առաջարկություններ: Այս մասին հայտնում են Կառավարության հասարակայնության հետ կապերի և լրատվության վարչությունից:   Ուշագրավ Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի   Ամենաընթերցվողը բաժնում |  Վերջին լուրեր «Երևանի բալետային փառատոն»՝ Թումանյանի անվան զբոսայգում  Բացօթյա փառատոնի ներկայացումների սկիզբը 20:00–ին էՄիրզոյանը՝ Վիեննայում․ Պետք է արգելել միջուկային օբյեկտների վրա զինված հարձակումները և հարձակման սպառնալիքները Նա նշել է, որ Հայաստանը վերահաստատում է իր հանձնառությունը Չտարածման մասին պայմանագրինՀՀ և Չեխիայի ԱԳ նախարարները խոսել են ԵՄ հարթակում համագործակցության մասին Միրզոյանն ասել է, որ Հայաստանն էականորեն խորացնում է հարաբերությունները ԵՄ հետ բոլոր ուղղություններովՄիրզոյանն ու Գրոսսին անդրադարձել են ՀԱԷԿ–ի հետագա ապահով և անվտանգ շահագործմանը Միրզոյանն ասե էլ որ ՀՀ–ն ձեռնարկել է անհրաժեշտ միջոցներ ատոմակայանի կյանքը մինչև 2036 թվականը երկարաձգելու համար |
