Կաղանդ պապն այսօր ազդարարեց Ձմեռային փառատոնի բացումը 22 դեկտեմբերի 2012 - 16:40 AMT PanARMENIAN.Net - Երևանի քաղաքապետարանի մոտից այսօր մեկնարկեց Ձմեռային փառատոնի շքերթը: Փառատոնը կազմակերպել են Երևանի քաղաքապետարանը և Ձմեռային փառատոն Հայաստանը: Քաղաքապետի խորհրդական Արամ Սուքիասյանը և Deem Communications-ի հիմնադիր տնօրեն Րաֆֆի Նիզիբլյանը շեշտեցին, որ փառատոնի նպատակը երեխաների տոնական տրամադրություն ապահովելն է, և մայրաքաղաքին Ամանորի շունչը հաղորդելը: Երաժշտական խմբերի, պարախմբերի և գունեղ հագուստներով հետաքրքիր կերպարների շքերթը` Կաղանդ պապի և Ձյունանուշի առաջնորդությամբ շարժվեց Հանրապետության հրապարակով դեպիԱմիրյան փողոց, այնուհետև` Մաշտոցի պողոտա և ավարտվեց Ազատության հրապարակում: Շքերթի ավարտից հետո Կաղանդ պապը Ձմեռային փառատոնը հայտարարեց բացված` բոլորին մաղթելով ամենայն բարիք, երջանկություն և ուրախությամբ լի օրեր: Փառատոնի ընթացքում Ազատության հրապարակում կանցկացվեն ձմեռային խաղերը, բնապահպանական տոնածառերի ցուցահանդես-մրցույթը, որը կտևի մինչև դեկտեմբերի 28-ը: Կցուցադրվեն ձեռքի աշխատանքներ, հատուկ տաղավարներում երեխաներին կպատմեն Կաղանդ պապի հեքիաթը: Փառատոնի բոլոր օրերին Ազատության հրապարակում կկազմակերպվեն անհատական և թիմային բազմազան խաղեր` ուրախ պինգվիններ, բոուլինգ, նկարչական պատ, լաբիրինթոս և այլն: Փառատոնի մասնակիցները նաև կարող են վերամշակվող նյութերից Ամանորի խաղալիքներ, զարդարանքներ, պատրաստել ու տուն տանել: Այս տարի` դեկտեմբերի 28-ին, արդեն երկրորդ անգամ կանցկացվի փառատոնի ամենաուրախ և աշխույժ միջոցառումներից մեկը` Ձմեռ պապերի մրցավազքը: Նախապես գրանցված մասնակիցները, ստանալով Ձմեռ պապի հագուստ, իրենց ուժերը կփորձեն վազքում: Հաղթողները կստանան մրցանակներ: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Վիեննայում․ Պետք է արգելել միջուկային օբյեկտների վրա զինված հարձակումները և հարձակման սպառնալիքները Նա նշել է, որ Հայաստանը վերահաստատում է իր հանձնառությունը Չտարածման մասին պայմանագրին ՀՀ և Չեխիայի ԱԳ նախարարները խոսել են ԵՄ հարթակում համագործակցության մասին Միրզոյանն ասել է, որ Հայաստանն էականորեն խորացնում է հարաբերությունները ԵՄ հետ բոլոր ուղղություններով Միրզոյանն ու Գրոսսին անդրադարձել են ՀԱԷԿ–ի հետագա ապահով և անվտանգ շահագործմանը Միրզոյանն ասե էլ որ ՀՀ–ն ձեռնարկել է անհրաժեշտ միջոցներ ատոմակայանի կյանքը մինչև 2036 թվականը երկարաձգելու համար Օսթին. ԱՄՆ-ն չի կարող ենթադրություններ անել Ռայիսիի ուղղաթիռի կործանման պատճառների մասին Աշխարհի 8 երկրում սուգ է հայտարարվել Ռայիսիի մահվան կապակցությամբ |