Վարդան Մինասյան. Չեխիայի հետ խաղը բեկումնային կլինի29 հունվարի 2013 - 13:55 AMT PanARMENIAN.Net - Հայաստանի ֆուտբոլի ազգային հավաքականի գլխավոր մարզիչ Վարդան Մինասյանը PanARMENIAN.Net ի թղթակցի հետ զրույցում նշեց, որ առաջիկա հավաքի ժամանակ իրենք աշխատելու են լուծել մի շարք խնդիրներ: «Թիմը վաղուց չի հավաքվել, և սա լավ հնարավորություն է ընտրական խաղերից առաջ միմյանց հետ խաղալու և շփվելու: Բացի այդ, մենք ունենք հենակետային կիսապաշտպանի խնդիր և այս հավաքի ժամանակ կտեսնենք, թե ինչպես պետք է լուծենք այս խնդիրը: Կա նաև մեկ այլ խնդիր` Չեխիայի խաղին որակազրկման պատճառով չեն մասնակցի երկու ֆուտբոլիստներ, իսկ երկուսն էլ վնասվածքներ ունեն»,- ասաց Մինասյանը: Մարզչական կազմը թիմ է հրավիրել չորս նոր ֆուտբոլիստի, որոնք, ըստ Մինասյանի, կփորձարկվեն Լյուքսեմբուրգի հետ ընկերական խաղի ժամանակ: «Ես անձամբ ծանոթ եմ Նորայր Ասլանյանին, իսկ Արտյոմ Խաչատուրովի և Միխայիլ Մարկոսովի հետ մոտիկից կծանոթանամ հավաքի ժամանակ: Ինչպես գիտեք, ինձ համար կարևոր են ոչ միայն ֆուտբոլիստի խաղային որակները, թիմում շատ կարևոր է մարդկային լավ հարաբերությունը»,- ավելացրեց գլխավոր մարզիչը: Հայաստանի հավաքականն այս տարվա աշխարհի առաջնության ընտրական առաջին խաղում, որը կկայանա մարտի 26-ին Հայաստանում, կհանդիպի Չեխիայի ընտրանուն: Մինասյանն ընդգծեց, որ այդ խաղը բեկումնային կլինի. «Հաղթանակի ձգտումը, նվիրվածությունը և երկրի համար հաղթանակի հասնելը միշտ կա մեր տղաների մոտ, կարծում եմ այս տարին ավելի հաջող կդասավորվի»: Իսկ արդեն փետրվարի 3-ին Հայաստանի հավաքականը կմեկնի ֆրանսիական Վալանս քաղաք, որտեղ երկու օր անց «Ժորժ Պոմպիդու» մարզադաշտում, Երևանի ժամանակով ժամը 22:45-ին, կհանդիպի Լյուքսեմբուրգի ընտրանուն: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով Ապրիլին 614 հարկ վճարող մոտ 251 մլն դրամի ՀԴՄ կիրառման կանոններ է խախտել Տուգանքի չափը կազմել է մոտ 251 մլն դրամ Ակբա բանկը 50 մլն եվրո կուղղի ՀՀ-ում ՓՄՁ-ների զարգացմանը ՎԶԵԲ-ն առաջին անգամ Հայաստանում կկիսի ֆինանսական կառույցի կողմից տրամադրված վարկերի վերադարձելիության ռիսկը |