Ամփոփվել են «Դպրոցի արտաքին տեսքի ամանորյա ձևավորում» մրցույթի արդյունքները 8 փետրվարի 2013 - 17:12 AMT PanARMENIAN.Net - Փետրվարի 8-ին Կրթության ազգային ինստիտուտի հանդիպումների սրահում տեղի ունեցավ «Dasaran.am» կրթական ծրագրի և ՀՀ ԿԳ նախարարության կողմից հայտարարված «Դպրոցի արտաքին տեսքի ամանորյա ձևավորում» մրցույթի ամփոփման երկրորդ փուլը և հանդիսավոր մրցանակաբաշխությունը, որի ընթացքում հայտնի դարձան Երևանի ավագ և ՀՀ մարզերի այն դպրոցների անունները, որոնց աշխատանքները հայտվել էին լավագույնների թվում, ասվում է «Dasaran.am»-ի հաղորդագրության մեջ: Մրցույթը հայտարարվել էր «Dasaran.am» կրթական ծրագրի ցանցում ընդգրկված 487 դպրոցների շրջանակում, որոնցից մասնակցել էին 168 դպրոցներ` ներկայացնելով դպրոցի արտաքին տեսքի ամանորյա ձևավորման աշխատանքներ: Այդ նպատակով ձևավորվել էին դպրոցական խմբեր`բաղկացած աշակերտներից, մանկավարժներից և ծնողներից, ովքեր լուսանկարել են իրենց աշխատանքներն ու տեղադրել լուսանկարները Dasaran.am կայքում` այդպիսով ներկայացնելով իրենց ստեղծագործությունները հանրության դատին: Նշենք, որ մրցույթի ամփոփման ընթացքում հատուկ կարևորվել է խմբային աշխատանքը, մասնավորապես` աշակերտների կողմից ներկայացված ձեռքի աշխատանքները: Մրցույթի ամփոփմանը ներկա էին ՀՀ ԿԳ փոխնախարար Մանուկ Մկրտչյանը, ՀՀ ԿԳՆ հանրակրթության վարչության պետ Նարինե Հովհաննիսյանը, ովքեր նշեցին, որ ԿԳ նախարարության համագործակցությունը «Dasaran.am» կրթական ծրագրի հետ մեծ ձեռքբերում է և նպատակ ունի բարձրացնել կրթության որակը: Այնուհետև «Dasaran.am» կրթական ծրագրի հիմնադիր նախագահ Սուրեն Ալոյանը հայտարարեց մրցանակակիրների անունները: Երևանի թիվ 142, Չարենցավանի Մաշտոցի անվան ավագ դպրոցը և Դիլիջանի թիվ 4 դպրոցները ստացան համակարգիչ, իսկ յուրօրինակ ձևավորմամբ հանդես եկած 4 դպրոցներ (Երևանի թիվ 118, Գավառի թիվ 8, Գուգարքի թիվ 2, Գյումրիի թիվ 1) ստացան գրադարան: Համակարգիչ ստացավ նաև Ալավերդու թիվ 12 դպրոցը, որը Dasaran.am-ում անցկացված քվեարկության ընթացքում հավաքել էր առավելագույն թվով ձայներ: Ակտիվ մասնակցություն ցուցաբերած ևս 10 դպրոցներ ստացան պատվոգրեր ՀՀ ԿԳ նախարարության և «Dasaran.am» կրթական ծրագրի կողմից: Տեղեկացնենք նաև, որ հունվարի 23-ին տեղի ունեցավ վերոնշյալ մրցույթի ամփոփման առաջին փուլը, որի արդյունքում Երևանի թիվ 169 և 90 դպրոցները ճանաչվեցին մրցույթի հաղթող` ստանալով համակարգիչ, իսկ թիվ 128 և 121 դպրոցներն իրենց ներկայացրած յուրօրինակ աշխատանքների համար ստացան գրադարան: Նշենք, որ ևս 11 դպրոցներ ստացան պատվոգրեր Երևանի քաղաքապետարանի և «Dasaran.am» կրթական ծրագրի կողմից: Հիշեցնենք, որ Dasaran.am-ն արդեն ընդգրկել է իր ցանցում ՀՀ մոտ 1400 դպրոցներից 502-ը` այս պահին ունենալով ավելի քան 450.264 գրանցված բաժանորդ (աշակերտներ և ծնողներ), 502 տնօրեններ և 20.256 ուսուցիչներ: Իսկ «ՎիվաՍել-ՄՏՍ» ընկերության աջակցության շնորհիվ ծրագրի ծառայությունները մատուցվում են անվճար հիմունքներով: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |