Ս. Սարգսյան. Գյումրեցին կունենա տանիք և կայուն աշխատանք 9 փետրվարի 2013 - 18:31 AMT PanARMENIAN.Net - ՀՀ նախագահի թեկնածու Սերժ Սարգսյանն այսօր նախընտրական քարոզարշավը շարունակել է Գյումրիում: Նա հանդիպել է գյումրեցիների հետ`ակնկալելով, որ նրանք եկել եք ոչ միայն լսելու, այլև սատարելու: Սերժ Սարգսյանը նշել է, որ չի էլ հիշում, թե հանրապետության նախագահի կամ դրանից առաջ՝ պետական այլ պաշտոններում, իսկ ավելի առաջ՝ ուսանողական տարիներին, քանի անգամ է հյուրընկալվել գյումրեցիներին, բայց խոստովանել է, որ երկու բան Գյումրիից իր հետ միշտ տարել է` ավելի մեծ լավատեսություն և, բնականաբար` նոր հումոր: «1980 թվականին՝ մոսկովյան օլիմպիադայից հետո, երբ Յուրի Վարդանյանը դարձավ օլիմպիական չեմպիոն` հեղինակելով մինչ այսօր չգերազանցված ռեկորդներ, գյումրեցուն հարցնում են. «Ինչո՞ւ Յուրի Վարդանյանը դարձավ օլիմպիական չեմպիոն և ռեկորդակիր»: Գյումրեցին պատասխանում է. «Որովհետև Լենինականից միայն Յուրիկին էինք ուղարկել օլիմպիադա», - հիշել է Սերժ Սարգսյանը ու նշել, որ ամեն անգամ Գյումրի այցելելիս երկակի զգացումներ է ունենում: «Մի կողմից Գյումրու և գյումրեցու նկատմամբ պարտավորվածության զգացում, որն ինձ հուշում է ավելին, գուցե նաև անհնարինն անելու, որպեսզի օր առաջ Գյումրին դառնա ավելի բարեկեցիկ ու բարեկարգ` վերագտնելով իր երբեմնի հպարտությունն ու քաղաքային կյանքին բնորոշ նախանձելի որակները: Մյուս կողմից ունեմ հանգստության ներքին զգացում, քանի որ այս տարիների ընթացքում շարունակել ենք Գյումրու վերականգնման դժվարին առաքելությունը` դրա համար չխնայելով ո՛չ ժամանակ, ո՛չ միջոցներ և ո՛չ էլ հոգատարություն ու ուշադրություն: Այստեղ էլ չեմ կարող չանդրադառնալ համաշխարհային ֆինանսատնտեսական ճգնաժամին, որը սարսափելի ավերածություններ առաջացրեց աշխարհի շատ` անգամ բարեկեցիկ երկրների տնտեսություններում: Ցավոք, մենք էլ անմասն չմնացինք այդ աղետի բացասական հետևանքներից ու հարվածներից, որոնց ուժգնությունն իր վրա վերցրեց հատկապես մեր տնտեսության առանցքային ճյուղերից մեկը` շինարարությունը», - ասել է Սերժ Սարգսյանն ու նշել նաև, որ «աղետի գոտի» արտահայտությունը գնալով ավելի քիչ է բնորոշում Գյումրի քաղաքը: «Այժմ, երբ գրեթե ամբողջությամբ ավարտել ենք Գյումրու բնակարանաշինական ծրագրերը, իշխանությունների համար առաջնահերթ է զարգացման նպատակադրումները: Այսօր գյումրեցուն պետք է տանիք, կայուն աշխատանք և հավատ վաղվա օրվա հանդեպ: Մեր աշխատանքներն ու ջանքերն այս երեք ուղղություններով երբեք չպետք է դադարեն և, ամենակարևորը, պետք է լինեն փոխկապակցված: Մայրաքաղաքային, մարզային ու տեղական-համայնքային իշխանությունների համադրված գործողությունների առաջնահերթություններ են դառնալու. - արտադրական նոր հնարավորությունների ու աշխատատեղերի ստեղծումը, - հարկային քաղաքականության նոր մոտեցումներով ներդրումները դեպի համայնքներ ուղղելը, - քաղաքային տնտեսությունը կարգի բերելն ու քաղաքային համայնքին վայել ենթակառուցվածքների ձևավորումը, - բարոյահոգեբանական մթնոլորտի առողջացումը, - քաղաքացիների սոցիալական իրավիճակի բարելավումը և շատ ու շատ ադպիսի խնդիրներ», - ասել է Սերժ Սարգսյանը: Իր խոսքում թեկնածուն նաև նշել է, որ տեսանելի ապագայում Հյուսիս-հարավ ծրագրի շրջանակներում Գյումրին Երևանին է կապված լինելու նոր, ժամանակակից արագընթաց մայրուղով: «Փետրվարի 18-ին քվեարկեք «Դեպի ապահով Հայաստան» ծրագրի համար. դա ապահով հայրենիքի, ապահով Գյումրու և բոլոր ապահովված ընտանիքների ծրագիրն է: Օգնեք ինձ` միասին մեր երկիրը դարձնենք այնպիսին, ինչպիսի երկրում արժանի ենք ապրելու և՛ դուք, և՛ մենք: Շատ շնորհակալ եմ մեկ անգամ ևս, որ դուք այսօր այստեղ եք, սիրելի գյումրեցիներ և հույս ունեմ, որ Գյումրին Հանրապետության մնացած համայնքների հետ միասին կանի ամեն ինչ, որպեսզի անցկացնենք լավագույն ընտրությունները մեր պատմության մեջ: Ու նաև այս ընտրությունների և՛ արդյունքից, և՛ որակից է կախված, թե ինչպիսի տեմպերով կզարգանա Գյումրին», - ասել է Սերժ Սարգսյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին նույնպես թույլ չեն տալիս մտնել գյուղ Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը Բագրատ Սրբազան. Հայաստանի կառավարությունն ու իր ղեկավարն անցել են ահաբեկnւթյան և տեռnրի Ավելի ուշ հայտնի դարձավ, որ ոստիկանները նրան թույլ չեն տալիս մտնել Կիրանց |