Դատախազություն. Զ. Փոստանջյանը հայտնել է, որ ահազանգը ստացել է անհայտ քաղաքացուց19 փետրվարի 2013 - 13:44 AMT PanARMENIAN.Net - 2013 թվականի փետրվարի 17-ին լրատվամիջոցներում հրապարակված «5-25 հազար դրամից մինչև գունավոր գրիչներ» վերտառությամբ հոդվածում նշվել է, որ ՀՀ ԱԺ պատգամավոր Զ. Փոստանջյանն ահազանգեր է ստացել Շիրակի մարզի Սարատակ գյուղում 5 հազար դրամանոց չեքեր ընտրողներին բաժանելու վերաբերյալ և որ բաժանվում են նաև գունավոր գրիչներ` հայտնելով, որ ընտրողները պարտավոր են քվեաթերթիկում նշումներ անել միայն այդ գրիչներով, հայտնում է ՀՀ դատախազության մամլո ծառայությունը: Շիրակի մարզի դատախազի ցուցումով նշված հաղորդումը դարձել է քննության առարկա: ՀՀ ոստիկանության ՔԳՎ Շիրակի մարզի քնչական բաժնում նախապատրաստվող նյութերի շրջանակներում Զ.Փոստանջյանին առաջարկվել է ներկայացնել հանցագործության մասին հաղորդումը հաստատող նյութերը: Սակայն տիկին Փոստանջյանը հայտնել է, որ նշված տեղեկությունն իրեն հեռախոսով հայտնել է անծանոթ մի քաղաքացի, ով չի ներկայացել, իսկ զանգահարողի հեռախոսահամարն ինքը չի պահպանել: Բացատրություններ են վերցվել Սարատակ գյուղի գյուղապետ Մ.Ղզրոյանից, ով հայտնել է, որ 2013թ. փետրվարի 18-ին կայանալիք ՀՀ նախագահական ընտրությունների քարոզարշավին ինքը կամ գյուղապետարանից որևէ այլ աշխատակից չի մասնակցել: Բնակիչներին 5000 դրամանոց կտրոններ, գունավոր գրիչներ չեն բաժանվել: Այդ մասին տեղեկությունները չեն համապատասխանում իրականությանը: Իրենց գյուղում ընտրողների ազատ կամքի արտահայտումը չի խոչընդոտվել, և որևէ մեկը չի ուղղորդել, թե ում օգտին քվեարկեն: Թե ով, երբ, ինչ հանգամանքներում և ինչ նպատակով է Զ.Փոստանջյանին նման կեղծ տեղեկություն հայտնել, չի կարող ասել: Բացատրություններ են վերցվել նաև Սարատակ գյուղի մի շարք բնակիչներից, ովքեր հերքել են իրենց գյուղում ընտրողներին 5000 դրամանոց կտրոններ, գունավոր գրիչներ բաժանելու մասին տեղեկությունները` նշելով, որ դրանք կեղծ են և իրականությանը չեն համապատասխանում: Զ.Փոստանջյանի հայտնած տեղեկությունները ստուգելու նպատակով հանձնարարություն է տրվել նաև ՀՀ ոստիկանության Արթիկի բաժնին, որի պատասխանը դեռևս չի ստացվել: Նյութերի նախապատրաստումը շարունակվում է, ասվում է ՀՀ դատախազության հաղորդագրության մեջ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |