ԱԻՆ-ը օրինակելի նախարարություն է համարվել հաշմանդամություն ունեցող անձանց համար22 փետրվարի 2013 - 15:58 AMT PanARMENIAN.Net - Փետրվարի 22-ին ԱԻ նախարարություն էր այցելել հատուկ կարիքավոր մարդկանց աջակցության «Ունիսոն» հասարակական կազմակերպության նախաձեռնած «Հաշմանդամություն ունեցող անձանց կենսամակարդակի բարելավում զբաղվածության խթանման միջոցով» ծրագրի մասնակիցների 19-հոգանոց խումբը: Վերոնշյալ ծրագրով «Զբաղվածության պետական ծառայություն» գործակալության և «Human Dignity and Peace» հիմնադրամի աշխատակիցների համար անցկացվում է «Աշխատատեղի հարմարեցում» թեմայով դասընթաց: Այն վարում է Նիդեռլանդներից ժամանած փորձագետ Յան Հոսթինգը։ Դասընթացի շրջանակներում, «Ունիսոն» ՀԿ խնդրանքով, կազմակերպվել էր այցելություն ԱԻ նախարարություն` ծանոթանալու համակարգում փորձաշրջան անցնող հաշմանդամների աշխատանքային պայմաններին: Խոսելով ԱԻՆ համակարգում հաշմանդամություն ունեցող անձանց աշխատանքի տեղավորելու նախաձեռնության մասին` ՀՀ ԱԻՆ ՓԾ տնօրենի տեղակալ, գնդապետ Ն. Գրիգորյանը մասնավորապես ասաց. - ԱԻ նախարար Արմեն Երիցյանի հանձնարարությամբ` «Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամում ստեղծվել է «Հաշմանդամություն ունեցող անձանց հիմնահարցերի» թեմատիկ խումբ, որն աշխատում է հաշմանդամներին ԱԻՆ համակարգում աշխատանքի տեղավորման եւ աշխատանքային պայմանների ստեղծման ուղղությամբ: Խմբում ընդգրկված են ՀՀ արտակարգ իրավիճակների, աշխատանքի և սոցիալական հարցերի նախարարությունների, ԱՌՆԱՊ հիմնադրամի, «Զբաղվածության պետական ծառայություն» գործակալության և հաշմանդամություն ունեցող անձանց հարցերով զբաղվող տարբեր հասարակական կազմակերպությունների ներկայացուցիչներ: Ներկայումս այդ ծրագրի շնորհիվ ԱԻՆ համակարգում աշխատանքի է անցել հաշմանդամություն ունեցող 10 քաղաքացի: Ընդհանուր առմամբ` մեր համակարգում հաշմանդամներին հատկացված է 30 աշխատատեղ։ Կա քաղաքական կամք և այն թիմը, որը կյանքի է կոչում այս նախաձեռնությունը: Մենք արդեն մոտ 150 դիմում ենք ստացել, բայց առաջին փուլում նախապատվություն է տրվել ամենախոցելի` սայլակավոր հաշմանդամներին: Ծրագիրը շարունակական է լինելու և կիրականացվի նաեւ մարզերում: Հյուրերը շրջեցին նախարարության մասնաշենքերում, ծանոթացան ԱԻՆ Ճգնաժամային կառավարման կենտրոնի և «911» արագ արձագանքման ծառայության աշխատանքներին, նախարարության մյուս ձեռքբերումներին և հաշմանդամություն ունեցող աշխատակիցների աշխատանքային պայմաններին: Հյուրերը հնարավորություն ունեցան նաեւ անձամբ զրուցելու հաշմանդամների հետ։ Դասընթացի մասնակիցները չէին թաքցնում իրենց հիացմունքը, շնորհակալություն հայտնում հաշմանդամներին ընդառաջ գնալու և նման հնարավորություն ստեղծելու համար` հուսալով, որ սա օրինակ կծառայի նաև մյուս գերատեսչությունների համար։ Շրջայցի ավարտին հոլանդացի փորձագետ Յան Հոսթինգը մասնավորապես ասաց. - Այս ամենը հրաշալի էր: Ես անգամ խոսքեր չեմ գտնում տպավորություններվս կիսվելու համար: Ահռելի աշխատանք է կատարվել, ընդ որում` շատ բարձր մակարդակի վրա: ԱԻ նախարարության պարտականությունների մեջ չէր մտնում աշխատանքի ընդունել հաշմանդամներին, սակայն նախարարությունը գնացել է այդ քայլին, ինչը շատ գովելի է: Նման փորձ շատ քիչ երկրներում է կիրառվում: Հաշվի առնելով նաև այն, որ իմ երկրորդ մասնագիտությունը հրշեջ է` ես ավելի քան հիացած եմ իմ տեսածով։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |