ԱՄՆ-ն լրացուցիչ պատժամիջոցներ է սահմանել ՀԿԺՀ դեմ
ԱՄՆ-ն հանգիստ չի հետևելու, թե ինչպես է Հյուսիսային Կորեան միջուկային հրթիռներ մշակում: Այդ մասին հայտարարել է ԱՄՆ ազգային անվտանգության գծով նախագահի օգնական Թոմաս Դոնիլոնը: «ԱՄՆ-ն չի ճանաչում ՀԿԺՀ որպես միջուկային տերություն և հանգիստ չի հետևելու, թե ինչպես է Հյուսիսային Կորեան միջուկային հրթիռներ մշակում, որոնք կարող են հասնել ԱՄՆ տարածքին»,-ասել է Դոնիլոնը Նյու Յորքում:
Ըստ Դոնիլոնի, եթե Հյուսիսային Կորեան չփոխի մարտավարությունը, Վաշիգտոնը կաշխատի իր դաշնակիցների հետ Հյուսիսային Կորեայի դեմ պատժամիջոցները խստացնելու ուղղությամբ:
ԱՄՆ-ն պատրաստ է բանակցել ՀԿԺՀ հետ, սակայն դրա համար Փհենյանը պետք է ապացուցի, որ պատրաստ է կատարել ստանձնած պարտավորությունները, ասել է Դոնիլոնը, հայտնում է ԻՏԱՐ-ՏԱՍՍ-ը:
