Նուբարաշենի թունաքիմիկատների գերեզմանոցի խնդիր լուծելու համար ֆինանսավորումը կսկսվի 2014 թ. սեպտեմբերին 27 մարտի 2013 - 16:17 AMT PanARMENIAN.Net - Այսօր ՓԾ տնօրեն, գեներալ-մայոր Ս. Ազարյանը ՀՀ ԱԻ նախարարությունում հանդիպել է ՄԱԿ-ի հայաստանյան գրասենյակի ներկայացուցիչ Գ. Արզումանյանի և ՄԱԿ-ի փորձագետ Ռիչարդ Հուկի հետ: Հանդիպման ընթացքում քննարկվել են Նուբարաշենի թունաքիմիկատների գերեզմանոցից թունավոր նյութերի հանման, հավաքման, փաթեթավորման և վերացման ծրագրի համաֆինանսավորման ու տեխնիկական հարցերը: Այս մասին PanARMENIAN.Net ը տեղեկանում է ԱԻՆ լրատվական ծառայությունից: Տևական ժամանակ Երևանի Նուբարաշեն թաղամասում գտնվող բլուրում թաղվել են ժամկետանց պեստիցիդներ և կայուն օրգանական աղտոտիչներ, այդ թվում` ԴԴՏ: Վերջին երկու տարիների ընթացքում, ԵԱՀԿ աջակցությամբ, մշակվել է արտակարգ իրավիճակի գործողությունների ծրագիր` կանխելու թունաքիմիկատների թափանցումը շրջակա միջավայր: Սակայն տեղանքն, այնուամենայնիվ, դեռևս վտանգ է ներկայացնում, քանի որ գտնվում է սողանքային ակտիվ գոտում, բնակեցված է և մոտ գյուղատնտեսական տարածքներին: Նշված ծրագիրն արդեն հաստատվել է։ Դրա ֆինանսավորումը կսկսվի 2014 թ. սեպտեմբերին` Գլոբալ էկոլոգիական ֆոնդի (ԳԷՖ) կողմից: Ներկայացնելով խնդրի հետ կապված մինչ այժմ իրականացված միջոցառումները` Ս. Ազարյանն ասել է.«Մենք արդեն կառուցել ենք թունաքիմիկատների ոչնչացման գործարան, կատարել թունաքիմիկատների մոնիթորինգ, սակայն անելիքներ դեռ շատ կան: Խնդիրն այն է, որ թունաքիմիկատների գերեզմանոցը գտնվում է սողանքային գոտում, և մենք մոտ ժամանակներում պետք է իրականացնենք թունաքիմիկատների ոչնչացման ծրագիր` հնարավոր աղետներից խուսափելու համար» «Ուրախալի է, որ դուք մեծ ծավալի աշխատանք եք կատարել այս խնդրի լուծման համար: Հետագա բոլոր գործողությունները պետք է կատարվեն միջազգային չափանիշներին համապատասխան: Կարծում եմ` դա Հայաստանի համար խնդիր չէ: Ծրագիրն իրականացնելիս մենք փորձում ենք ապահովել առավելագույն անվտանգություն», - ասել է Ռ. Հուկը: ՄԱԿ-ի փորձագետը հայաստանյան իր գործընկերներին ներկայացրել է միջազգային փորձն ու խնդրի լուծման մի քանի տարբերակ, ինչից հետո քննարկվեցին ծրագրի մանրամասներն ու տեխնիկական հարցերը: Հանդիպման վերջում կողմերի միջև համաձայնություն է ձեռք բերվել շարունակել համագործակցությունը` Նուբարաշենի թունաքիմիկատների գերեզմանոցի չեզոքացման շուրջ:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով  Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումիցՍյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերովՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |
