ՀՀ դատախազությունը պատրաստակամ է լսելու ԵԽ խոշտանգումների կանխարգելման հանձնաժողովի առաջարկները10 ապրիլի 2013 - 18:44 AMT PanARMENIAN.Net - Ապրիլի 4-ին ՀՀ գլխավոր դատախազությունում տեղի ունեցավ հանդիպում Եվրոպայի խորհրդի խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեի (ԽԿԿ) պատվիրակության հետ: Պատվիրակությանը ընդունեց ՀՀ գլխավոր դատախազի տեղակալ Ա. Թամազյանը: Հանդիպման ընթացքում, պատվիրակության ղեկավար պարոն Ռեստելինին ներկայացրեց հանձնաժողովի կատարած ուսումնասիրությունները և նշեց, որ կան դրական տեղաշարժեր, սակայն իրենք ցանկանում են ուշադրություն հրավիրել այն խնդիրների վրա, որոնք բարելավման կարիք ունեն: Պատվիրակության անդամները անդրադառնալով ազատազրկման և Ձերբակալվածների ժամանակավոր պահման վայրերում գտնվող անձանց նկատմամբ վատ վերաբերմունքի դեպքերին, առանձնացրեցին մի շարք հանգամանքներ, այն է` վատ վերաբերմունքի դեպքերի կանխարգելման, դրանց բացահայտման և պատժողական քաղաքականության հարցերը: Բանախոսները նշեցին, որ այս ոլորտներում առկա են մի շարք բացթողումներ, որոնք շտկման և բարելավման կարիք ունեն: ՀՀ գլխավոր դատախազի տեղակալ Ա. Թամազյանը նշեց, որ համամիտ է բարձրացված խնդիրների հետ, որ դեռևս կան բարեփոխման ենթակա հարցեր, և շեշտեց, որ ՀՀ դատախազությունը, օրենքով իրեն վերապահված լիազորությունների շրջանակներում պայքարում է հանցավոր այդ երևույթների դեմ: Պարոն Ա. Թամազյանը միաժամանակ նշեց նաև, որ ՀՀ դատախազությունը պատրաստակամ է լսելու հանձնաժողովի առաջարկները, քննարկելու և օրենսդրության սահմաններում դրանք կիրարկելու: Հանդիպումը ամփոփեց ՀՀ գլխավոր դատախազ Ա. Հովսեփյանը, ով շնորհակալություն հայտնեց հանձնաժողովի անդամներին, մանրակրկիտ աշխատանքների համար, խնդիրները հանգամանալից ուսումնասիրելու և վերհանելու համար, և հավաստիացրեց, որ ՀՀ դատախազության ղեկավարությունը պատրաստակամ է և վճռական, իրականացնելու այն բոլոր բարեփոխումները, որոնք կարող են նպաստել հանցավորության դեմ պայքարի արդյունավետության բարձրացմանը, ասվում է դատախազության հաղորդագրության մեջ: Հյուրերը շնորհակալություն հայտնեցին ՀՀ գլխավոր դատախազին ջերմ և կառուցողական հանդիպման համար: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | ԵԽ գլխավոր քարտուղարը ողջունել է ՀՀ և Ադրբեջանի միջև սահմանազատման պայմանավորվածությունը «Ողջունում եմ Հայաստանի և Ադրբեջանի միջև վերջերս ձեռք բերված պայմանավորվածությունը»,–գրել է նա Ադրբեջանում Ֆրանսիայի դեսպանը, որը հետ էր կանչվել խորհրդակցությունների համար, վերադարձել է Բաքու Նա շարունակում է իր դիվանագիտական գործունեությունը Վերաֆինանսավորման տոկոսադրույքն իջեցվել է 0.25 տոկոսային կետով Մարտ ամսին նույնպես վերաֆինանսավորման տոկոսադրույքը իջեցվել էր 0.25 տոկոսով Եվրահանձնաժողովի գլխավոր տնօրեն․ Կարևոր այց ՀՀ` ապրիլի 5–ի բարձր մակարդակի միջոցառումից հետո Նա մի շարք հանդիպումներ կունենա Հայաստանում |