Հայաստանի Կենտրոնական ընտրական հանձնաժողովը հրապարակել է ՀՀ Սահմանադրության բարեփոխումների նախնական արդյունքները: Այդպիսով, ըստ ՀՀ ԿԸՀ արձանագրության, ձայնի իրավունք ունեցող Հայաստանի քաղաքացիների ընդհանուր թիվը 2 317 351 է, մարզային ընտրական հանձնաժողովներին տրամադրվել է 2 364 469 քվեաթերթիկ: Քվեարկությանը մասնակցել է (ըստ ստորագրությունների քանակի) 1 513 541 մարդ: Անվավեր է ճանաչվել 20 360 քվեաթերթիկ, մարվել է 849 525 քվեաթերթիկ: Սահմանադրական փոփոխություններին կողմ է քվեարկել 1 411 791 ընտրող, դեմ` 82 459 ընտրող: Անճշտությունների քանակը կազմել է 1 080: ԿԸՀ արձանագրությունը ստորագրել են նիստին ներկա Հանձնաժողովի 8 անդամներից 7-ը: «Արդարություն» ընդդիմադիր դաշինքի ներկայացուցիչ Ֆելիքս Խաչատրյանը հրաժարվել է ստորագրել արձանագրությունը: