Ուկրաինական «Պորան» կոչ է անում ԱՄՆ-ին եւ ԵՄ-ին քաղաքական ճնշում գործադրել Բաքվի հանդեպ

PanARMENIAN.Net - «ԱՄՆ-ն եւ Եվրամիության երկրները չպետք է ճանաչեն Ադրբեջանում կայացած խորհրդարանական ընտրությունների արդյունքները եւ քաղաքական ճնշում գործադրեն այդ պետության ղեկավարության հանդեպ»,-այդ մասին ասվում է ուկրաինական «Պորա» կազմակերպության հայտարարության տեքստում: «Մենք համոզված ենք, որ յուրաքանչյուր ժողովուրդ իրավունք ունի ստանալու համաշխարհային հանրության աջակցությունն ու սկզբունքային դիրքորոշումը»,-ասվում է հայտարարության մեջ: «Պորա»-ի անդամները, կուսակցությունները, որոնք առանցքային դերակատարություն ունեցան մեկ տարի առաջ Ուկրաինայում կատարված «նարնջագույն հեղափոխության» ժամանակ, գտնում են, որ Ադրբեջանում կայացած ընտրությունները կեղծվել են: Երեքշաբթի` նոյեմբերի 29-ին «Պորան» մտադիր է պիկետ կազմակերպել Կիեւում Ադրբեջանի դեսպանատան առջեւ` պահանջելով դադարեցնել բռնությունները Բաքվում խախաղ ցուցյերի մասնակիցների հանդեպ: