Հայտնի են «Հայակ 2013»-ի մրցանակակիրները

29 ապրիլի 2013 - 01:12 AMT

PanARMENIAN.Net - «Հայակ» ազգային կինոյի մրցանակաբաշխության այս տարվա մրցանակակիրներն արդեն հայտնի են: Լավագույն խաղարկային ֆիլմ անվանակարգը Մարիա Սահակյանին է՝ «Այդ ես չեմ» ֆիլմով:

Լավագույն ռեժիսորը Հարություն Խաչատրյանն է՝ իր «Անվերջ փախուստ, հավերժ վերադարձ» ֆիլմի համար, սակայն վերջինս իր մրցանակը հանձնել է նույն անվանակարգում ներկայացված այլ մասնակցի` Մարիա Սահակյանին` ասելով՝ ճանապարհը պետք է տալ երիտասարդներին:

Լավագույն օպերատոր անվանակարգում Մկրտիչ Մալխասյանն է՝ «Այդ ես չեմ» ֆիլմ:

Լավագույն սցենարի հեղինակ անվանակարգում մրցանակը ստացան Թերեզա Վարժապետյանը և Միքայել Պողոսյանը` «Եթե բոլորը» ֆիլմի սցենարի համար:

Լավագույն նկարիչն Արմեն Ղազարյանն է, լավագույն կոմպոզիտորը` Վահագն Հայրապետյանը:

Լավագույն դերասանուհի անվանակարգում «Հայակ» ստացավ Մարիամ Դավթյանը՝ «Ձայն լռության» ֆիլմ, իսկ լավագույն դերասան անվանակարգում՝ Շանթ Հովհաննիսյանը` «Գարեգին Նժդեհ» ֆիլմ:

Երկրորդական դերի լավագույն դերասանը Խորեն Լևոնյանն է, իսկ դերսանուհին՝ Ժենյա Մկրտումյանը:

Լավագույն կարճամետրաժ ֆիլմը Թամարա Ստեփանյանի «Փերվարի 19» խորագրով ֆիլմն է:

Լավագույն վավերագրական ֆիլմ անվանակարգում առաջինը Հարություն Խաչատրյանի «Անվերջ փախուստ, հավերժ վերադարձ» ֆիլմն է:

Լավագույն անիմացիոն ֆիլմ ճանաչվեց Նաիրա Մուրադյանի «Բալետը»: Լավագույն դեբյուտը Մարինե Զաքարյանի «Փասիանի որսորդն» է:

Լավագույն արտասահմանյան ֆիլմ ճանաչվեց Կարեն Շահնազարովի «Սպիտակ վագրը»: