Անրի Ռենո. Հայաստանում ֆրանկոֆոնիայի ծրագրի շուրջ հետաքրքրությունն այս տարի աննախադեպ էր 3 մայիսի 2013 - 13:58 AMT PanARMENIAN.Net - Այն, ինչ վերաբերում է Ֆրանսիային և ֆրանսիական մշակույթին, ավելի շատ հետաքրքրում է կանանց, քան տղամարդկանց: Կարծիքը ՀՀ-ում Ֆրանսիայի արտակարգ և լիազոր դեսպան Անրի Ռենոյինն է: Նա այսօր ասուլիսի ժամանակ նշել է նաև, որ Հայաստանում Ֆրանկոֆոնիայի ծրագիրն այս տարի անցկացվել է առանձնահատուկ շուքով` միջոցառումները կենտրոնացված չեն եղել միայն Երևանում, այլ բազմաթիվ միջոցառումներ անցկացվել են նաև մարզերում: «Հայաստանում ֆրանկոֆոնիայի ծրագրի շուրջ հետաքրքրությունն այս տարի աննախադեպ էր: Ուրախալի է, որ միջոցառումներին ակտիվ մասնակցել են նաև հայ դպրոցականները և երիտասարդները: Նրանք այս տոնի շուրջ համախմբվեցին և մեծ հետաքրքրություն դրսևորեցին ֆրանկոֆոն արժեքների նկատմամբ»,- նշեց դեսպանը: Ֆրանկոֆոնիայի ծրագրի ընթացքում անցկացվել է մոտ 400 մշակութային, կրթական և բուհական միջոցառում, ինչը նշանակալի ցուցանիշ է նախորդ տարվա համեմատ: Տեղեկությունը և համեմատությունը ներկայացրել է ՀՀ ԱԳ նախարարի` Ֆանկոֆոնիայի գծով խորհրդական, դեսպան Քրիստիան Տեր-Ստեփանյանը: «Մեկ և կես ամիս շարունակ հանրության լայն շրջանակներին ներկայացված մշակութային, կրթական, բուհական մեծաթիվ միջոցառումները միտված են եղել մեր երկրում ֆրանկոֆոն մշակույթի տարածմանը: Հաջորդ տարի միջոցառումները որակական մակարդակով կլինեն ակնկալվող բարձրության վրա»,- ասաց նա: Հայաստանին Ֆրանկոֆոնիայի լիիրավ անդամի կարգավիճակ շնորհելու մասին միաձայն որոշումն ընդունվել էր նախորդ տարվա հոկտեմբերին Ֆրանկոֆոնիայի երկրների և կառավարությունների ղեկավարների` Կինշասայում կայացած գագաթաժողովի ընթացքում: Հայաստանի ներգրավվածությունը Ֆրանկոֆոն ընտանիքում աշխարհի 5 մայրցամաքում ֆրանկոֆոն երկրների հետ տարբեր ոլորտներում գործակցության ակտիվացման ուղղութայմբ նոր հնարավորություն է: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |