Արարատբանկը հայտարարել է 1 մլն դոլարի արժեկտրոնային պարտատոմսերի 2-րդ թողարկման մասին

21 մայիսի 2013 - 16:24 AMT

PanARMENIAN.Net - Մայիսի 21-ին «Արարատբանկ» ԲԲԸ-ն հայտարարել է արժեկտրոնային պարտատոմսերի թողարկման մասին: Ինչպես հայտարարել է բանկի գործադիր տնօրենի տեղակալ Դավիթ Հարությունյանը, դոլարային անվանական արժեկտրոնային պարտատոմսերի 2-րդ թողարկման ծավալը կկազմի 1 մլն դոլար:

Բաժանորդագրման միջոցով մայիսի 23-ից հունիսի 13-ը կտեղաբաշխվի 40 000 անվանական, ոչ փաստաթղթային, արժեկտրոնային պարտատոմս՝ յուրաքանչյուրը 25 դոլար անվանական արժեքով, 8,5 տոկոս տարեկան տոկոսադրույքով, 36 ամիս շրջանառության ժամկետով:

Հարությունյանը հավելել է, որ պարտատոմսերը ցուցակվելու են ՆԱՍԴԱՔ ՕԷՄԷՔՍ Արմենիա բորսայում, իսկ որպես գնանշող հանդես կգա «Ռենեսա» ներդրումային ընկերությունը:

«Պարտատոմսերի տեղաբաշխումից առաջացած միջոցները կուղղվեն տնտեսության վարկավորմանը»,-ասել է բանկի գործադիր տնօրենի տեղակալը

Առաջին թողարկման ժամանակ 2012թ. հոկտեմբերին տեղաբաշխվել էր 40 հազար պարտատոմս յուրաքանչյուրը 25 դոլար անվանական արժեքով 1 մլն դոլար ընդհանուր գումարով, 8,5 տոկոս տարեկան տոկոսադրույքով և մարման եռամյա ժամկետով:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով