ՀՀ ՊՆ ղեկավար. Ռուսաստանի հետ ռազմական գործակցությունը վերանայելու մասին հարց բարձրացնելը վաղաժամ է24 հունվարի 2006 - 17:16 AMT PanARMENIAN.Net - «Ռուսաստանից Հայաստան առաքվող գազի գնի բարձրացումը քննարկվում է պետությունների ղեկավարների մակարդակով, եւ իմ կողմից ճիշտ չէր լինի անդրադառնալ խնդրին միայն թանկացման լույսի ներքո, քանի որ խնդիրը զուտ տնտեսական չէ` այստեղ, տնտեսականից բացի առկա է նաեւ վստահության խնդիրը, եւ ոչ միայն վստահության, այլ այն հարցերի, որոնց մասին ընդունված չէ խոսել հրապարակավ»,-«Գոլոս Արմենիի» թերթին տված հարցազրույցում հայտարարել է Հայաստանի պաշտպանության նախարար, հայ-ռուսական տնտեսական համագործակցության միջկառավարական հանձնաժողովի համանախագահ Սերժ Սարգսյանը: Նրա խոսքերով, Ռուսաստանի հետ ռազմական գործակցությունը վերանայելու մասին հարց բարձրացնելը վաղաժամ է: Անդրադառնալով ՆԱՏՕ-ի հովանու ներքո Հայաստանի անցնելու նպատակահարմարության մասին եւ ռուսական ռազմակայանի դուրս բերման մասին խոսակցություններին Ռուսաստանի կողմից գազի սակագների բարձրացման դեպքում` Սերժ Սարգսյանը հայտարարել է, որ «խոսքը գնում է այս կամ այն գործիչների անձնական կարծիքի, այլ ոչ թե պետության դիրքորոշման մասին, նույնիսկ եթե այդ ամենն ասվում է այդ թվում եւ բարձրաստիճան պաշտոնյաների կողմից»: «Հայաստանը հազարավոր թելերով է կապված Ռուսաստանի հետ, եւ նա, ով Հայաստանում չի հասկանում այդ պարզ ճշմարտությունը, ի վիճակի չէ կայացնել Հայաստանի համար շահավետ որոշումներ, իսկ ով չի հասկանում այդ ճշմարտությունը Ռուսաստանում եւ հաշվի չի առնում այն իր ամենօրյա աշխատանքում, կարող է մեծ վնաս հասցնել դարերով ձեւավորված այդ հարաբերություններին»,-հայտարարել է նախարարը: ««Ռուսական գազի սակագների բարձրացումը, եթե նույնիսկ դա տեղի ունենա, չի կարող առիթ հանդիսանալ Հայաստանում ռուսական ռազմակայանի մասին պայմանագիրը վերանայելու համար: Մեր համագործակցությունը ՆԱՏՕ-ի հետ վերջին տարիներին ակտիվացել է, սակայն չեմ կարծում, որ այդ թեման հարկ է շոշափել ռուսական գազի շուրջ ստեղծված իրավիճակում»,-հայտարարել է Ս.Սարգսյանը: Հաստատելով, որ այդ հարցի շուրջ ստեղծված իրավիճակը շատ հարցեր է հարուցել, նախարարը կարծիք հայտնեց, որ «հեռու չէ այն ժամը, երբ այդ հարցերը կստանան իրենց պատասխանները»: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում Պարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |