Պարսիկները գերադասում են հայկական ոչխարները վրացականներին11 հունիսի 2013 - 13:55 AMT PanARMENIAN.Net - Ոչխարների արտահանումը Հայաստանից Իրան խթանեց ոչխարաբուծության զարգացումը մեր երկրում: Այդ մասին այսօր կայացած մամլո ասուլիսում հայտարարել է գյուղատնտեսական գիտությունների դոկտոր-պրոֆեսոր, ՀՀ գյուղնախարարության անասնաբուծության ու տոհմային գործի վարչության պետ Աշոտ Հովհաննիսյանը: «2012թ. ոչխարների գլխաքանակը 2011թ. համեմատ ավելացել է 85 հազարով: Ոչխարների ու այծերի ընդհանուր գլխաքանակը կազմում է 674 500»,-ասել է նա: Ըստ մասնագետի, նման աճը հանգեցրեց գների նվազման, և այժմ շուկայում 1կգ ոչխարի միսը նախկին 4500 փոխարեն կարելի է ձեռք բերել 2800-3000 դրամով: Միաժամանակ Աշոտ Հովհաննիսյանը նշեց, որ գյուղնախարարությունը շեմ է սահմանել Իրան ոչխարների արտահանման համար, որի համաձայն արտահանումը չի կարող գերազանցել տարեկան 180 հազարը: Նա հայտնեց նաև, որ այս տարի արդեն պայմանավորվածություններ են ձեռք բերվել Իրանի գործարարների հետ, որոնք մտադիր են 2013թ. գնել մոտ 150 000 գլուխ ոչխար: Մասնագետը նաև նշեց, որ հայ արտադրողները գնում են Վրաստանում 20-30 հազար ոչխար՝ բավարարելու համար Իրանի պահանջարկը: Սակայն, ինչպես հավաստիացրեց Աշոտ Հովհաննիսյանը, պարսիկները գերադասում են հայկական ոչխարը՝ 40-50 կգ քաշ ունեցող հասուն մսատու ոչխարներին, վրացիների ավելի փոքր 30-40 կգ կշռող ոչխարներին: Անդրադառնալով Սյունիքի մարզի արոտավայրերը պարսիկներին վարձակալությամբ հանձնելու հարցին՝ Հովհաննիսյանն ասաց, որ հայկական կողմը կտրականապես դեմ է այդ արոտավայրերի վարձակալությանը օտարերկրացի գործարարների կողմից: «Մենք մի ծրագիր ենք մշակել, և ներկայացրել ենք կառավարությանը, որի համաձայն առաջարկում ենք զարգացնել ոչխարաբուծությունը Սյունիքում, գլխաքանակը հասցնելով 150 000 ոչխարի ու վաճառել Իրանին»,-ասել է գյուղնախարարության ներկայացուցիչը՝ հավելելով, որ կառավարությունը հակված է հաստատելու այդ նախագիծը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |