Էթյեն Մահչուբյան. Հսկայական անդունդ կա իսլամիստների ու աշխարհիկ պետության կողմնակիցների մեջ12 հունիսի 2013 - 12:24 AMT PanARMENIAN.Net - Թաքսիմ հրապարակում ծավալվող իրադարձությունները բազմակողմ են: Ամեն ինչ սկսվեց հանրության աշխարհիկ մասից և որպես երիտասարդական շարժում: Մյուս կողմից կա ևս մեկ մասնակից՝ «Թաքսիմ պլատֆորմը», որին անդամակցում են Թաքսիմ թաղամասի բնակիչները: Այդ շարժման նպատակն է պաշտպանել Թաքսիմ հրապարակն ու Գեզի զբոսայգին: Այդ մասին հայտարարել է թուրքահայ լրագրող ու քաղաքագետ Էթյեն Մահչուբյանը: Ըստ նրա, հետո միացան այլ խմբեր, որոնք ներկայացնում են թուրքական քաղաքական բեմի ողջ սպեկտրը: Խնդիրն այն է, որ այդ խմբերն այժմ բավականին դժվար է տարանջատել: «Որովհետև այդ շարժման հիմնական մասը քաղաքացիների խումբ է, որը չունի առաջնորդ: Եվ նրանք պատրաստ չեն կիրառել դասական քաղաքականության գործիքներ ու մեթոդներ: Այս իրավիճակը ճանապարհ հարթեց այլ, առավել կազմակերպված խմբերի համար: Առաջացավ յուրօրինակ մշակույթ, սակայն դա պառակտման մշակույթ է: Նրանք կողք կողքի են, բայց միասին չեն: Առանց հստակ պահանջների շարժումը գնալով կորցնում էր իմաստը»,-նշել է նա: Մահչուբյանը նշել է, որ իշխանությունները փորձում են տարբերակել բոլոր այդ խմբերը: «Սակայն, սկզբում իշխանությունները չէին հասկանում, թե ինչ է կատարվում: Հատկապես առաջին երեք օրը: Ավելի խորը վերլուծելով իրադարձությունները, հասկանում ես, որ հսկայական անդունդ կա իսլամիստների ու աշխարհիկ պետության կողմնակիցների միջև: Ես գտնում եմ, որ կան մարդիկ, որոնք ցանկանում են մի իրավիճակ ստեղծել, որը կբերի հեղաշրջման: Մենք տեսնում ենք դրա նշանները, մասնավորապես, ֆինանսական շուկաներում, մենք տեսնում ենք նոր կապերի հաստատում տարբեր կազմակերպությունների միջև»,-ասել է Մահչուբյանը, հայտնում է euronews-ը. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |