Դիլիջանում կայացել են կանանց Գրան Պրիի երկրորդ փուլի մեկնարկային տուրի պարտիաները:

Հայ շախմատիստուհի Էլինա Դանիելյանը միավորներ է կիսել Անտուանետա Ստեֆանովայի հետ (Բուլղարիա): Ոչ ոքի է գրանցվել ևս 3 պարտիաներում` Օլգա Գիրյա (Ռուսաստան)- Վիկտորիա Չմիլիտե (Չեխիա), Հարիկա Դրոնավալի (Հնդկաստան)- Գամպի Կոնեյրու (Հնդկաստան), Աննա Ուշենինա (Ուկրաինա)- Աննա Մուզիչուկ (Սլովենիա):

Նանա Ձագնիձեն (Վրաստան) առավելության է հասել Բատչիմեգ Տուվշինտուգսի (Մոնղոլիա) նկատմամբ , իսկ Տատյանա Կոսինցևան (Ռուսաստան)` Բելա Խոտինաշվիլիի (Վրաստան):

2-րդ տուրում Դանիելյանը մրցելու է Կոնեյրույի հետ: Պարտիաները մեկնարկելու են Երևանի ժամանակով ժամը 15:00-ին: