Նախարար. Անհայտ կորածներին գտնելու ուղղությամբ օպերատիվ հետախուզական աշխատանքները շարունակվում են 29 հունիսի 2013 - 12:49 AMT PanARMENIAN.Net - Արցախյան պատերազմում անհայտ կորածներին գտնելու ուղղությամբ օպերատիվ հետախուզական աշխատանքները շարունակվում են: Այս մասին այսօր Եռաբլուրում լրագրողների հետ զրույցում հայտնեց ՀՀ պաշտպանության նախարար Սեյրան Օհանյանը: «Ցավոք աշխատանքներն այնքան էլ արդյունավետ չեն: Մենք միայն փորձում ենք միջազգային կառույցների միջոցով կապ հաստատել Ադրբեջանի Հանրապետության հետ, պետական կապի բացակայությունը թույլ չի տալիս, որ լիարժեք կարողանանք իմանալ, թե որքան է գերիների թիվը: Մենք միայն ընդհանուր թիվ գիտենք»,- ասաց Սեյրան Օհանյանը: Նա նշեց, որ շատերն անհայտության ճանապարհին են, շատերը միգուցե զոհվել են, բայց հարազատները մինչև այսօր սպասում են նրանց: Նախարարը տեղեկացրեց, որ ՊՆ-ն ունի անհայտ կորածների հարցերով զբաղվող հանձնաժողով, որը տարին երկու անգամ նիստեր է անցկացնում։ Համապատասխան աշխատանքներ են տարվում: «Իհարկե, մեզ համար կարևոր է, որ իմանանք նրանց ճակատագրերը, բայց գտնում ենք նաև, որ հանձնաժողովի և պետական այլ կառույցների խնդիրն է այսօր ուշադիր լինել նրանց հարազատների, նրանց ընտանիքների նկատմամբ, ինչպես նաև անհայտ կորածների հիշատակը վառ պահել»,- հայտնեց Սեյրան Օհանյանը: Նախարարը նկատեց, որ օպերատիվ հետախուզական աշխատանքների արդյունքները հրապարակվում են, երբ դրանք ամբողջական են լինում:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
