«Արաբական գարնան» իրադարձությունների պատճառով քրիստոնյա բնակչության քանակն արաբական երկրներում պակասել է: Որպես կանոն, բոլոր հեղափոխությունները բռնության ալիք են բարձրացրել քրիստոնյաների դեմ և արտագաղթի դրդել նրանց: Ըստ փորձագետների, քրիստոնյաները հաճախ «մանրադրամ» են դառնում աշխարհիկ ռեժիմների ու իսլամիստների միջև:

Քրիստոնյաների թիվը արաբական երկրներում մինչ «արաբական գարունը» կազմում էր 15 միլիոն: Արաբական երկրների քրիստոնյաների մոտ երեք քառորդը բնակվում է Եգիպտոսում, Սիրիայում և Լիբանանում, գրում է fondmxs-ը: