Հայաստանում թոշակառուներն ավելի լավ են ապրում, քան Ռուսաստանում, Ուկրաինայում ու Մոլդովայում 1 հոկտեմբերի 2013 - 14:46 AMT PanARMENIAN.Net - Վերջին երեք տասնամյակում 60 տարեկանից բարձր բնակչության քանակն աշխարհում կրկնապատկվել է, ընդ որում մինչև 2050 թ. այն կավելանա ևս երկու անգամ: Ըստ ՄԱԿ կանխատեսումների, դարի կեսին Երկիր մոլորակի վրա կապրի մոտ 3,2 մլն մարդ, որի տարիքը կգերազանցի 100 տարին, այն դեպքում, երբ այսօր այդ մարդիկ 300 հազար են: Տարեց մարդկանց չափաբաժինը բնակչության ընդհանուր թվի համեմատ ավելի արագ է աճում: Քարտեզի վրա ավելանում է «տարեց» երկրների քանակը, որտեղ բնակչության 7 տոկոսից ավելին 65 տարեկանից մեծ է: Շարունակում է աճել կյանքի տևողությունն ինչպես զարգացած, այնպես էլ զարգացող երկրներում: Եթե 1950-ականներին մարդու կյանքի միջին տևողությունը 47 տարի էր, ապա 2010 թ. այդ ցուցանիշը հասավ 69 տարեկանի: Ակնկալվում է, որ 2050 թ. այն կկազմի 76 տարեկանը, իսկ 2100 թ.՝ 58: Տարեցների քանակը գնալով աճում է առողջապահության որակի բարձրացման, բժշկութայն զարգացման, կրթության հասանելիության ու տնտեսական բարգավաճման հաշվին: Անկասկած, երկար կյանք ապրելու հնարավորությունը մարդկային զարգացման հաղթանակն է, սակայն բնակչության ծերացումը նաև բազմաթիվ նոր մարտահրավերներ է առաջացնում: Տարեցների քանակի ավելացման պատճառով, երկրները նոր խնդիրներ կունենան սոցիալական բյուջեների ձևավորման, ու կենսաթոշակային համակարգերի ստեղծման հարցերում: Աշխատունակ բնակչության զուգահեռ կրճատումը ցավոտ հարված կլինի հարկային մուտքերին, առանց որի հնարավոր չէ պահել կենսաթոշակառուների աճող «բանակը»: Դա լուրջ սպառնալիք է բնակչության բոլոր տարիքային խմբերի կենսամակարդակի համար: Տարեցների համար լավագույն երկիր է ճանաչվել Շվեդիան: Ըստ Global AgeWatch Index 2013 թ. վարկանիշի, նրան հաջորդում են Նորվեգիան ու Գերմանիան, հայտնում է ԻՏԱՐ-ՏԱՍՍ-ը: Այնուհետև գալիս են Նիդերլանդները, Կանադան, Շվեյցարիան, Նոր Զելանդիան, ԱՄՆ-ն, Իսլանդիան ու Ճապոնիան: Նախկին ԽՍՀՄ երկներից ամենաբարվոք վիճակը Էստոնիայում է՝ 29-րդ հորիզոնական: Վրաստանը 37-րդն է, Լատվիան՝ 45, Լիտվան՝ 50, Հայաստանը՝ 51, Տաջիկստանը՝ 52, Բելառուսը՝ 60, Ղրղզստանը՝ 63, Ուկրաինան՝ 66, Մոլդովան՝ 76, Ռուսաստանը՝ 78: Վերջին 91-րդ տեղում Աֆղանստանն է: 60 տարին բոլորած մարդկանց կենսամակարդակը գնահատելիս մասնագետներն ուսումնասիրել են ՀԲ, ԱՀԿ, Աշխատանքի միջազգային կազմակերպության ու ՅՈւՆԵՍԿՕ-ի տվյալները 91 երկրների համար: Այդպիսով, վարկանիշն ընդգրկում է աշխարհի տարեց մարդկանց 89 տոկոսը: Հաշվի են առնվել 13 պարամետրեր՝ այդ թվում, բուժհաստատություն դիմելու հաճախականությունը, կյանքի պայմանները, կրթությունը, աշխատողների քանակն ու սոցիալական ակտիվությունը: Ըստ ՀՀ աշխատանքի ու սոցիալական ապահովության նախարարության, երկրում կա 65 տարեկանից բարձր 364 հազար մարդ: Ծերանոցներում բնակվում է 1200 տարեց: Ըստ պաշտոնական վիճակագրության, կենսաթոշակների միջին չափը 2012 թ. ավարտին կազմել է 29 689 դրամ: Բազային կենսաթոշակը 2012 թ. հունվարի 1-ից կազմում է 13 հազար դրամ: 2014 թ. պետբյուջեի նախագծով նախատեսվում է կենսաթոշակների բարձրացում 15 տոկոսով: Ընդ որում, 111 900 թոշակառուների համար աճը կկազմի 25 տոկոս, 93 հազար թոշակառուների համար՝ 20 տոկոս, և 170-ի համար՝ 15-20 տոկոս և միայն մի փոքր խմբի համար, որոնց կենսաթոշակները գերազանցում են 70 հազարը, աճը կկազմի 3 տոկոս: Ավելին, ըստ պետբյուջեի նախագծի նվազագույն կենսաթոշակը Հայաստանում կկազմի 18 200 դրամ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |