ԱՄՆ-ն սպառնացել է Աֆղանստանին ամբողջությամբ դուրս բերել զորքերը26 նոյեմբերի 2013 - 11:48 AMT PanARMENIAN.Net - ԱՄՆ-ն սպառնացել է Քարզային ամբողջությամբ դուրս բերել զորքերն Աֆղանստանից 2014 թվականից հետո, եթե նախագահ Քարզայը մոտ ապագայում չստորագրի երկկողմ համաձայնագիրն երկրների միջև: Այդ մասին նոյեմբերի 25-ին հայտարարել է ԱՄՆ նախագահի ազգային անվտանգության գծով խորհրդական Սյուզան Ռայսը Քարզայի հետ զրույցում, ասվում է Սպիտակ տան կայքում: Հանդիպումն անցել է Քաբուլում: Ռայսը նշել է, որ պայմանագրի ստորագրման ձգձգումը զրկում է իրավիճակը պարզությունից, որն անհրաժեշտ է ԱՄՆ-ին ու ՆԱՏՕ-ին Աֆղանստանում ռազմական ներկայության ծրագրման համար: Նա հիշեցրել է, որ համաձայնագիրը կոչված է օրենքով պաշտպանելու ամերիկյան զորքերը երկրից հիմնական զորակազմը դուրս բերելուց հետո: Ռայսի հայտարարությունը հնչեց նոր պայմանների ֆոնի վրա, որոնք Քարզայն առաջ քաշեց բանակցություններում: Մասնավորապես, Աֆղանստանի նախագահը պահանջեց ԱՄՆ-ից դադարեցնել ռազմական գործողությունները հասարակ քաղաքացիների տներում ու վերադարձնել այն աֆղաններին, որոնք Գուանտանամոյի բանտում են պահվում, հայտնում է Reuters-ը: Բացի այդ, Քարզայը հայտարարեց, որ համաձայնագիրը կարելի է ստորագրել միայն նախագահական ընտրություններից հետո, որոնք կկայանան Աֆղանստանում 2014 թվականի ապրիլին: Կողմերը հաստատել են երկկողմ համաձայնության տեքստը նոյեմբերի 20-ին: Փաստաթուղթը պետք է ստորագրվեր աֆղանական տոհմերի մեծերի խորհրդում հաստատվելուց հետո: Ավագանին ոչ միայն հավանություն տվեց պայմանագրին, այլ նաև պահանջեց, որպեսզի Քարզայը որքան հնարավոր է շուտ ստորագրի այն: Երկկողմ համաձայնագիրն Աֆղանստանի ու ԱՄՆ միջև, եթե այն կնքվի, թույլ կտա ԱՄՆ զորակազմին մնալ Աֆղանստանում մինչև 2024 թվականը, իսկ հիմնական ուժերը դուրս կբերվեն մինչև 2014-ի ավարտը: Ամերիկյան զինվորականներին իմունիտետ կտրվի տեղական օրենքներից և արտակարգ իրավիճակներում մասնավոր տարածք մտնելու իրավունք: Բացի այդ, պայմանագիրը ենթադրում է բազմամիլիարդանոց օգնություն Աֆղանստանի կառավարությանը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |