ԱՄՆ պետքարտուղարին սառը ընդունելություն է սպասում Նեթանյահուի նստավայրում27 նոյեմբերի 2013 - 12:17 AMT PanARMENIAN.Net - ԱՄՆ համաձայնությունն Իրանի հետ կարող է ամենաանսպասելի հետևանքներն ունենալ: Ամենահավանական սցենարների թվում է Իսրայելի կողմից խաղաղ բանակցություններից հրաժարվելը, որոնց առաջխաղացման մեջ շահագրգռված է Սպիտակ տունը: Ըստ Neue Zuercher Zeitung թերթի փորձագետների, ԱՄՆ պետքարտուղար Ջոն Քերիին սառը ընդունելություն է սպասում Նեթանյահուի նստավայրում, որն Իրանի միջուկային ծրագրի դեմ պայքարն իր գլխավոր առաջնահերթությունն է համարում: Երուսաղեմում չեն թաքցնում նյարդայնությունն Իրանի հետ ԱՄՆ անդրկուլիսյան բանակցությունների վերաբերյալ և խստորեն քննադատում են Ժնևում ձեռք բերված համաձայնությունները: Այս շաբաթ Բինյամին Նեթանյահուն հերթական անգամ հասկացրեց, որ Իրանի հետ «վեցնյակի» համաձայնությունը «վատ գործարք» է համարում: Իսրայելի վարչապետը վճռականորեն պահանջել է, որպեսզի Իրանը պարտավորվի ապամոնտաժել իր բոլոր միջուկային օբյեկտները, սակայն Վաշինգտոնի հանդեպ ճնշման փորձը հաջողությամբ չպսակվեց՝ Սպիտակ տունն ուղղակի անտեսեց Իսրայելի փաստարկները: Չի բացառվում, որ չեն էլ փորձել, ասվում է հրապարակման մեջ: Միևնույն ժամանակ գերմանական թերթը համամիտ չէ Իսրայելի հետ, մտածելով, որ Իրանի վերաբերյալ համաձայնությունը պարտավորեցնում է Իսրայելին «հաշտվել նոր քաղաքական իրողության հետ», գրում է cursor.info-ն: Նոյեմբերի լույս 24-ի գիշերը Իրանն ու «վեցնյակը» համաձայնագիր են ստորագրել, որի համաձայն Իրանը հրաժարվել է Իրանը համաձայնվել է հրաժարվել ուրանի հարստացման նոր ցենտրիֆուգերի տեղադրումից, թույլ տալ միջազգային տեսուչներին այցելել իր միջուկային օբյեկտներ, սառեցնել ծանր ջրի վրա կառուցվող միջուկային ռեակտորի կառուցումը: Փոխարենը Իրանի հանդեպ գործող պատժամիջոցները մասնակիորեն կմեղմացվեն: Ըստ ԶԼՄ-ների, խոսքն առաջին հերթին արտերկրում Իրանի մոտ 4,2 մլրդ դոլար կազմող ակտիվների ապասառեցման մասին է: Սակայն, եթե կես տարվա ընթացքում հանրությունը տեսնի, որ խոստումները չեն կատարվում, պատժամիջոցները կվերականգնվեն ամբողջ ծավալով, զգուշացրել է ԱՄՆ նախագահը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օհանյան․ Անհապաղ պետք է բեկում մտցնել սահմանազատման այս գործընթացի մեջ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին ևս չեն թողնում գյուղ մտնել Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը |