«Ռոսատոմը» կօգնի ՀԱԷԿ-ին հզորացնել միջուկային անվտանգությունը28 նոյեմբերի 2013 - 17:19 AMT PanARMENIAN.Net - Ռուսաստանի կառավարությունը համաձայնագիր կստորագրի ՀՀ կառավարության հետ միջուկային անվտանգության ոլորտում համագործակցության մասին: Ինչպես հայտնում է «Ռոսբալտը», «Ռոսատոմին» նման հանձնարարություն է տվել ՌԴ վարչապետ Դմիտրի Մեդվեդևը: «Հանձնարարել ատոմային էներգետիկայի պետական «Ռոսատոմ» կորպորացիային ՌԴ ԱԳՆ ու «Ռոստեխնադզորի» հետ համատեղ բանակցել հայկական կողմի հետ և պայմանավորվածության հասնելու դեպքում ՌԴ կառավարության անունից ստորագրել այդ համաձայնագիրը»,-ասվում է վարչապետի կարգադրության մեջ, որը հրապարակվել է իրավական տեղեկատվության պաշտոնական ինտերնետ-պորտալում: Համաձայնագրի նախագծում ասվում է, որ կողմերը համագործակցում են «կատարելագործելու համար ՀՀ միջուկային անվտանգության ենթակառուցվածքները Հայկական ԱԷԿ-ի շահագործման ու նոր էներգաբլոկերի կառուցման ոլորտում»: Աշխատանքն այդ ուղղությամբ կտարվի ըստ ՄԱԳԱՏԷ-ի հանձնարարականների: Ենթադրվում է, որ համագործակցությունը զարգանալու է մի քանի ուղղություններով, այդ թվում նորարարական միջուկային էներգետիկ սարքերի մշակման ոլորտում: Կողմերը մտադիր են նաև կատարելագործել միջուկային անվտանգությունն օգտագործված միջուկային վառելիքի ու ռադիոակտիվ թափոնների հարցում: Հայաստանի կառավարությունը 2012 թ. ապրիլին 10 տարով երկարացրել է Հայկական ԱԷԿ-ի շահագործման ժամկետը: Կառավարական որոշման մեջ ասվում է, որ ըստ ՀՀ գործող օրենսդրության, ՀԱԷԿ երկրորդ բլոկի շահագործման լիցենզիան տրվել է 2011 թվականին 10 տարի ժամկետով, սակայն, ըստ շահագործման պայմանների, լիցենզիայի ժամկետը սպառվում է 2016 թվականի սեպտեմբերի 1-ին: Սեպտեմբերի 13-ին կառավարության նիստից հետո Հայաստանի էներգետիկայի նախարար Արմեն Մովսիսյանը հանդես եկավ պաշտոնական հայտարարությամբ, որի համաձայն ԱԷԿ շահագործման ժամկետը կերկարացվի մինչև 2026 թվականը: Համապատասխան պայմանավորվածություն էր ձեռք բերվել ՌԴ նախագահ Վլադիմիր Պուտինի և ՀՀ նախագահ Սերժ Սարգսյանի սեպտեմբերի 3-ի հանդիպման ժամանակ: Կողմերը պայմանավորվել են, որ «Ռոսատոմը» հայաստանցի փորձագետների հետ միասին կաշխատի նախագծի իրականացման վրա: ՀԱԷԿ-ը շահագործման է հանձնվել 1976 թվականին: 1989 թ. կայանը փակվեց անվտանգության նկատառումներով, իսկ 1995 թ. ԱԷԿ 404 ՄՎտ երկրորդ բլոկը վերագործարկվեց: Հայաստանը մտադիր է կառուցել մոտ 1000 ՄՎտ հզորությամբ նոր էներգաբլոկ, որի համար պահանջվում է մոտ 5 մլրդ դոլար: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |