Կրեմլ. Պուտինն ու Յանուկովիչը չեն քննարկել ՄՄ-ին Ուկրաինայի անդամակցության հարցը 7 դեկտեմբերի 2013 - 14:08 AMT PanARMENIAN.Net - Նախագահներ Վլադիմիր Պուտինն ու Վիկտոր Յանուկովիչը Սոչիում կայացած հանդիպմանը չեն քննարկել Մաքսային միությանը Ուկրաինայի անդամակցության հնարավորությունը: Այդ մասին շաբաթ օրը հայտարարել է ՌԴ նախագահի մամլո քարտուղար Դմիտրի Պեսկովը: Ըստ նրա, «Ինտերֆաքսի» փոխանցմամբ, Պուտինն ու Յանուկովիչը քննարկել են երկկողմ հանձնաժողովի նիստի օրակարգը, որը տեղի կունենա դեկտեմբերի 17-ին Մոսկվայում: Բացի այդ, նախագահները քննարկել են համագործակցությունը էներգետիկ, ֆինանսավարկային և այլ ոլորտներում: Այն մասին, որ ուրբաթ օրը Սոչիում կայացած Ռուսաստանի ու Ուկրաինայի նախագահների հանդիպմանն, իբր, պայմանավորվածություն է ձեռք բերվել, որ Ուկրաինան անդամակցելու է Մաքսային միությանը, իրազեկ աղբյուրի վրա հղումով հայտնել է հայտնի բրիտանացի լրագրող, The Economist ամսագրի ավագ խմբագիր Էդվարդ Լուկասը: Նա պնդում է, որ Սոչիում կնքված համաձայնագիրը նախատեսում է, որ Ռուսաստանը Ուկրաինային առնվազն 5 մլրդ դոլար կհատկացնի, ինչպես նաև գազի գինը կսահմանի 200 դոլար հազար խմ գազի դիմաց, որը գործող գնից գրեթե երկու անգամ պակաս է: Մինչդեռ ուկրաինական ընդդիմությունը, մեկնաբանելով Յանուկովիչի այցը Սոչի, հայտարարել է, որ Մաքսային միությանն անդամակցելու հետ կապված ցանկացած համաձայնագրի ստորագրումը Ուկրաինայի նախագահի կողմից կհանգեցնի բողոքի նոր ցույցերի: Ընդդիմության բողոքի ակցիաները սկսվեցին Ուկրաինայում, երբ նոյեմբերի 21-ին Ուկրաինայի նախարարների կաբինետը կարգադրեց դադարեցնել Եվրամիության հետ ասոցացման համաձայնագրի ստորագրման գործընթացը: Ամենաբազմամարդը եվրաինտեգրման կողմնակիցների հավաքն էր Կիևի Մայդանում, որը նոյեմբերի լույս 30-ի գիշերը ցրեցին հատուկ նշանակության «Բերկուտ» ջոկատի մարտիկները: Վերջին իրադարձությունների վրա հիմնվելով ընդդիմությունը փորձեց հասնել կառավարության հրաժարականին, սակայն ձայների անհրաժեշտ քանակը չհավաքվեց անվստահության քվեի համար: Հղումներ թեմայով. Մաքսային միություն Մաքսային միությունն իր աշխատանքը սկսել է 2010 թվականին: Սկզբում միությանն անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |