 Քերին անընդունելի է համարել Ուկրաինայի իշխանությունների գործողություններն ու զսպվածության կոչ արել 11 դեկտեմբերի 2013 - 11:36 AMT PanARMENIAN.Net - ԱՄՆ պետքարտուղար Ջոն Քերին Ուկրաինային իշխանություններին կոչ է արել «պահպանել ինքնատիրապետումը» Կիևի իրադարձություններում: Հարկավոր է պաշտպանել մարդկանց կայնքը: Ուկրաինայի իշխանությունները պատասխանատու են ուկրաինական ժողովրդի անվտանգության համար»,-ասվում է Քերիի հայտարարության մեջ: Քերին անընդունելի է համարել Ուկրաինայի իշխանությունների գործողություններն ու զսպվածության կոչ արել: «ԱՄՆ-ն իր դժգոհությունն է հայտնում Կիևի Մայդանում խաղաղ ցույցերին ոստիկանության հատուկ ուժերով, մահակներով ու բուլդոզերներով պատասխանելու Ուկրաինայի իշխանությունների որոշման վերաբերյալ: Այդ պատասխանն անընդունելի է և հարիր չէ ժողովրդավարական պետությանը»,-հայտարարել է Քերին: Ըստ Քերիի, մինչ այդ նա կոչ է արել կողմերին խուսափել բռնությունից, իսկ Ուկրաինայի նախագահ Վիկտոր Յանուկովիչից պահանջել է «ի կատար ածել Ուկրաինայի ժողովրդի իղձերը»: Հավաքների ազատության իրավունքը հիմնարար է ԱՄՆ ու Ուկրաինայի հարաբերությունների համար՝ հավելել է Քերին: «Դա համընդհանուր արժեք է, ոչ միայն ամերիկյան: Շաբաթներ շարունակ մենք կոչ ենք անում նախագահ Յանուկովիչին և նրա կառավարությանն ականջալուր լինել ժողովրդի ձայնին, որը խաղաղություն, արդարություն և եվրոպական ապագա է ցանկանում: Փոխարենն Ուկրաինայի առաջնորդներն միանգամայն այլ ընտրություն կատարեցին»,-ասել է պետքարտուղարը: Կոմունալ ծառայությունները քանդել են Մայդանի բարիկադների երկրորդ գիծը, սակայն ցուցարարները «կենդանի պատ» են կազմել՝ զսպելով «Բերկուտի» գրոհը: Հատուկջոկատայինները փորձել են սեպի պես խրվել բողոքավորների շարքերը, սակայն դա չի հաջողվել: Իրավապահները դադարեցրել են հրապարակ ներխուժելու փորձերը: Կոմունալ ծառայությունների աշխատակիցները բեռնում են բարիկադների մնացորդները բեռնատարներ և սկսել են բարիկադների գրոհը Միխայլովսկու փողոցում, հայտնում է «ՌԻԱ Նովոստի» գործակալությունը: Հղումներ թեմայով.   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
