ԵՄ-ն փոփոխել է Սիրիային առնչվող պատժամիջոցները14 դեկտեմբերի 2013 - 13:44 AMT PanARMENIAN.Net - «Ուղղումները թույլ են տալիս քիմիական զենք կամ դրա հետ կապված քիմիական նյութեր ներկրել կամ տեղափոխել Սիրիայից ԵՄ, եթե դա իրականացվում է աջակցելու համար Քիմիական զենքի արգելման կազմակերպության աշխատանքին»,-ասվում է Բրյուսելում տարածված կոմյունիկեում, հայտնում է «Ինտերֆաքսը»: Բացի այդ, ԵՄ Խորհուրդն արգելել է մշակութային արժեքների ու հնագիտական արժեք ունեցող իրերի ներկրումն ու արտահանումը, որոնք ապօրինաբար դուրս են բերվել Սիրիայից: ԵՄ Խորհուրդը նաև միջոցներ է ձեռնարկել, որոնք նախատեսում են թույլ տալ պատժամիջոցների ազդեցության տակ գտնվող միջոցների կամ տնտեսական ռեսուրսների ապասառեցումը, եթե դա կնպաստի հումանիտար օգնության մուտքին Սիրիա և կպաշտպանի սխալ օգտագործման ռիսկից: Այժմ Եվրամիությունում սառեցված են 179 մարդու ու 54 կազմակերպությունների ակտիվներ: ՄԱԿ ԱԽ-ն սեպտեմբերի 27-ին միաձայն հավանություն տվեց Սիրիայում քիմիական զենքի ոչնչացման վերաբերյալ բանաձևին: Բանաձևը բացառում է ուժի կիրառումը Սիրիայում և ընդհանրապես 7-րդ հոդվածի ցանկացած կիրառում: ՄԱԿ ԱԽ նիստին մասնակցել է նաև ՌԴ ԱԳ նախարար Սերգեյ Լավրովը: ՄԱԿ կանոնադրության 7-րդ հոդվածը կոչվում է «Գործողությունները խաղաղության սպառնալիքի, խաղաղության խախտման և ագրեսիայի ակտերի դեպքում», որով նախատեսվում է պատժամիջոցների կիրառում ԱԽ որոշմամբ, ինչպես նաև զինված ուժերի կիրառում «միջազգային խաղաղության և անվտանգության պահպանման կամ վերականգնման համար»: Դամասկոսը կատարեց իր պարտավորությունները ՔԶԱԿ սահմանած ժամկետում, որի համաձայն այդ կատեգորիայի բոլոր սարքավորումներն ու հզորությունները Սիրիայի տարածքում պետք է շարքից դուրս բերվեին մինչև նոյեմբերի 1-ը: ՔԶԱԿ տեսուչները ստուգել են Սիրիայի տարածքում գտնվող 23 օբյեկտներից 21-ը: Երկուսը չափազանց վտանգավոր էին տեսչության համար, ուստի այնտեղից սարքավորումները չեն դուրս բերվել: Սիրիայում արդեն երկու տարուց ավելի է շարունակվում են կառավարական ուժերի բախումները զինված ընդդիմության հետ: Ըստ ՄԱԿ տվյալների, Սիրիայում հակամարտության զոհերի ընդհանուր թիվը հասնում է 125 հազարի: Սիրիական իշխանությունները հայտարարում են, որ իրենց դիմակայում են լավ զինված գրոհայիններ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Էրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նա Freedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը» Տասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբ Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում |