Նոյեմբերին հոկտեմբերի համեմատ տնտեսական ակտիվությունը նվազել է 10,3 տոկոսով20 դեկտեմբերի 2013 - 13:17 AMT PanARMENIAN.Net - 2013-ի նոյեմբերին Հայաստանում տնտեսական ակտիվության ցուցանիշն աճել է 0,8 տոկոսով 2012թ. նույն շրջանի համեմատ: Միաժամանակ, ինչպես հաղորդում է Հայաստանի Ազգային վիճակագրական ծառայությունը, 2013-ի նոյեմբերին հոկտեմբերի համեմատ այս ցուցանիշն աճել է 10,3 տոկոսով: Միաժամանակ 2013-ի հունվար- նոյեմբերին 2012-ի նույն շրջանի համեմատ տնտեսական ակտիվության ցուցանիշն աճել է 3,1 տոկոսով: Միաժամանակ, 2013-ի նոյեմբերին 2012-ի նույն շրջանի համեմատ Հայաստանում սպառողական գներն աճել են 6,6 տոկոսով: Միժամանակ 2013թ. նոյեմբերին հոկտեմբերի համեմատ արձանագրվել է 0,9 տոկոս գնանկում: Միաժամանակ 2013թ. հունվար- նոյեմբերին 2012թ. նույն ժամանակաշրջանի համեմատ գրանցվել է 5,8 տոկոս գների աճ սպառողական շուկայում: 2013 թ. նոյեմբերին 2012թ. նույն շրջանի համեմատ աճն արդյունաբերության ոլորտում կազմել է 1,2 տոկոս, իսկ ամսական կտրվածքով անկումը կազմել է 2,9 տոկոս: Ընդ որում 2013 թ. հունվար- նոյեմբերին 2012 թ. նույն շրջանի համեմատ աճն արդյունաբերության մեջ գրանցվել է 7,1 տոկոսի մակարդակով: 2013 թ. նոյեմբերին 2012 թ. նույն շրջանի համեմատ աճը գյուղատնտեսության ոլորտում կազմել է 9 տոկոս, ամսական կտրվածքով՝ անկումը 9,4 տոկոսով: 2013 թվականի հունվար- նոյեմբերին 2012 թ. նույն ժամանակահատվածի համեմատ աճը կազմել է 6,1 տոկոս: Հատկանշական է այն փաստը, որ շինարարության ոլորտում, որն ամենից շատ տուժեց ճգնաժամից և այժմ դանդաղ վերականգնվում է, ամսական կտրվածքով աճն արձանագրվել է 25,5 տոկոսի մակարդակում, իսկ 2013 թ. հունվար- նոյեմբերին՝ 2012 թ. նույն ժամանակահատվածի համեմատ անկումն այդ ոլորտում կազմել է 8,5 տոկոս, տարեկան կտրվածքով անկումը կազմել է 7,3 տոկոս: Ապրանքաշրջանառությունը Հայաստանում 2013 թ. նոյեմբերին 2012 թ. նույն ժամանակահատվածի համեմատ աճել է 0,2 տոկոսով, ծառայությունների ոլորտում աճ է գրանցվել՝ 4 տոկոս, էլեկտրաէներգիայի արտադրությունը կրճատվել է 7,6 տոկոսով: Ըստ պաշտոնակնա վիճակագրական տվյալների, 2013թ. նոյեմբերին Հայաստանի արտաքին առևտրի շրջանառության տարեկան ցուցանիշը կազմել է 586,8 մլն դոլար (237,7 մլրդ դրամ)՝ 2012թ. նույն շրջանի համեմատ ավելանալով 11,3 տոկոսով: Ընդ որում, ամսական կտրվածքով այս ցուցանիշն աճել է 0,1 տոկոսով: Միաժամանակ, 2013-ի հունվար-նոյեմբերին 2012-ի նույն շրջանի համեմատ այս ցուցանիշի աճը կազմել է 5,2 տոկոս՝ 5 342,7 մլն դոլար (2 188,9 մլրդ դրամ): Ինչպես հայտնում է Հայաստանի ազգային վիճակագրական ծառայությունը, 2013թ նոյեմբերին 2012-ի նույն ժամանակահատվածի համեմատ արտահանման ծավալը կազմել է 133,2 մլն դոլար (53,9 մլրդ դրամ)` աճելով 5,9 տոկոսով: Ընդ որում, ամսվա կտրվածքով այն աճել է 4,9 տոկոսով: Իսկ 2013թ. հունվար-նոյեմբերին 2012թ. նույն շրջանի համեմատ արտահանումը կազմել է 1 348 մլն դոլար (552,8 մլրդ դրամ), աճը՝ 8,4 տոկոս: Ներկրման ծավալը 2013թ. նոյեմբերին 2012-ի նույն ժամանակահատվածի համեմատ կազմել է 453,6 մլն դոլար (183,8 մլրդ դրամ)՝ աճելով 13,1 տոկոսով, իսկ ամսական կտրվածքով անկումը կազմել է 1,2 տոկոս: Իսկ 2013-ի հունվար-նոյեմբերին 2012-ի նույն ժամանակահատվածի համեմատ ներկրումը կազմել է 3 993 մլն դոլար (1 636,1 մլրդ դրամ)` աճելով 4.2 տոկոսով: Արտաքին առևտրի բացասական սալդոն 2013թ. հունվար-նոյեմբերին 2013-ի նույն ժամանակահատվածի համեմատ, կազմել է 2 645 մլն դոլար կամ 1083,3 մլրդ դրամ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |