ԱՄՆ-ն ու Բրիտանիան չեն սատարի սիրիական կոալիցիային, եթե նա չմեկնի Ժնև14 հունվարի 2014 - 14:11 AMT PanARMENIAN.Net - Բրիտանիան ու ԱՄՆ-ն զգուշացրել են սիրիական ընդդիմությանն աջակցությունից զրկելու հավանականության մասին, եթե գլխավոր խումբը՝ Սիրիայի ազգային կոալիցիան, չմասնակցի հաջորդ շաբաթ Ժնևում մեկնարկող խաղաղ բանակցություններին: Ինչպես հայտնել է Սիրիայի ազգային կոալիցիայի ներկայացուցիչը, խաղաղ բանակցություններին մասնակցելու հարցում ԱՄՆ-ն ու Բրիտանիան անդրդվելի են, հայտնում է ВВС-ին: «Նրանք շատ պարզ հասկացնել են տվել, որ այլևս չեն սատարի մեզ, ինչպես այժմ, և մենք կկորցնենք միջազգային հանրության վստահությունը, եթե չմեկնենք Ժնև»,-ասել է աղբյուրը, ցանկանալով անհայտ մնալ: Ուրբաթ օրը կոալիցիան քվեարկություն կանցկացնի, որի արդյունքում կորոշվի մասնակցության հարցը Ժնևի խորհրդաժողովին: Եթե Սիրիայի ազգային կոալիցիան Ժնև չժամանի, դա կործանում կլինի այդ երկրում հակամարտության դիվանագիտական կարգավորման ռազմավարության համար: Պաշտոնապես բրիտանական կառավարությունը հայտարարում է, որ չի դադարեցնի աջակցությունը Սիրիայի ազգային խորհրդի կոալիցիային: Սակայն, պարզ է, որ շատ դժվար կլինի համոզել ընդդիմության ներկայացուցիչներին նստել բանակցությունների սեղանի շուրջ նախագահ Բաշար Ասադի ներկայացուցիչների հետ: Սիրիական ընդդիմությունը պառակտված է մնում ապստամբությունից գրեթե երեք տարի անց: Սիրիական հակամարտության կարգավորմանը նվիրված «Ժնև-2» միջազգային խորհրդաժողովը երկու փուլով կանցնի: Այն կմեկնարկի հունվարի 22-ին շվեյցարական Մոնտրյո քաղաքում, իսկ հետո հունվարի 24-ին կշարունակվի Ժնևի Ազգերի պալատում: Երկուշաբթի Փարիզում ՌԴ ԱԳ նախարար Սերգեյ Լավրովի, ԱՄՆ պետքարտուղար Ջոն Քերիի ու Սիրիայի գծով ՄԱԿ ու ԱՊԼ դեսպանորդ Լահդար Բրահիմիի հանդիպմանը քննարկվել է տեղական հրադադարների հաստատման հնարավորությունը Ժնևում մեկնարկող բանակցություններից առաջ: Հայտարարվել է նաև, որ քննարկվել է հակամարտության կողմերի միջև գերիների փոխանակման հնարավորությունը: Սերգեյ Լավրովն ու Լահդար Բրահիմին հայտարարել են նաև, որ բանակցություններին պետք է մասնակցի Իրանը: Սակայն Ջոն Քերին հայտարարել է, որ բանակցություններին մասնակցելու համար Թեհրանը պետք է համաձայնվի Սիրիայում քաղաքական կարգավորման սկզբունքներին, որոնք ձևակերպվել են «Ժնև-1» բանակցությունների ընթացքում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» «Ազատություն»․ Ազատամուտից Ղազախ հատվածում ուժեղացված հսկողություն է՝ ենթադրյալ հայ-ադրբեջանական հանդիպումն է Առավոտյան տեղացիները դեպի Ադրբեջանի սահման գնացող պետական մեքենաներ են տեսել Զախարովա․ ՌԴ–ն չի առաջարկել ՀՀ-ին դուրս բերել իր բոլոր սահմանապահներին Նա սուտ է անվանել այդ տեղեկությունները Բաքվի դատարանը 5 ամսով երկարացրել է Արցախի նաև մյուս ղեկավարների ապօրինի կալանքը Դատարանը բավարարել է ներկայացված միջնորդությունները |