Թուրքիան Սիրիայում քիմիական գրոհների մեղսակիցն է, համոզված է ամերիկացի լրագրողը 7 ապրիլի 2014 - 17:36 AMT PanARMENIAN.Net - Լիբանանյան AL Ahbar թերթը, բրիտանական London Review of Books ամսագրի վրա հղումով, հրապարակել է ամերիկացի լրագրող Սեյմուր Հերշի հոդվածը: Նա գրում է, որ ԱՄՆ հատուկ ծառայությունները հող են նախապատրաստել Արևելյան Գուտայում քիմիական զենքի կիրառման վերաբերյալ Սիրիայի կառավարության դեմ շինծու մեղադրանքների համար: Սեյմուր Հերշը նշել է, որ 2013 թվականի դեռ օգոստոսի սկզբին Պենտագոնի ու հետախուզության ներկայացուցիչներն ԱՄՆ պաշտպանության նախարար Չակ Հեյգելի և ԱՄՆ Շտաբերի պետերի միացյալ կոմիտեի նախագահ Մարտին Դեմփսիի համար զեկույց էին նախապատրաստել, որտեղ գաղտնի գործողության մի ամբողջ սցենար էր նկարագրված, որի նպատակն էր պատրվակ ստեղծել Սիրիա ռազմական ներխուժման համար, հայտնում է սիրիական SANA գործակալությունը: Լրագրողը հաստատել է, որ սադրանքին մեղսակից է թուրքական վերնախավը, ինչին տեղյակ էր Օբամայի վարչակազմը, սակայն ցանկացած հիշատակում այդ մասին կտրականապես արգելված է: Հերշը հայտնեց, որ 2013 թվականի օգոստոսին, Դամասկոսի մերձակայքում քիմիական զենքի կիրառումից մի քանի օր առաջ, Թուրքիայում գաղտնի խորհրդակցություն տեղի ունեցավ վարչապետ Էրդողանի, ԱԳՆ ղեկավար Դավութօղլուի և հետախուզության պետ Ֆիդանի մասնակցությամբ, որտեղ քննարկվել է Սիրիայի դեմ ռազմական ագրեսիայի համար պատրվակ ստեղծելու հնարավորությունը: Ապստամբներն ու նրանց արևմտյան ու արաբ դաշնակիցները մեղքը բարդում են Բաշար Ասադի վրա 2013 թվականի օգոստոսի 21-ի քիմիական գրոհի համար: Սիրիայի կառավարությունը պնդում է, որ քիմիական զենքն ապստամբներն են կիրառել: ԱՄՆ-ն մեղադրում է Բաշար Ասադին Արևելյան Գուտայում խաղաղ բնակիչների դեմ քիմիական զենք օգտագործելու մեջ, որի հետևանքով 1400 մարդ զոհվեց: Ըստ «Բժիշկներ առանց սահմանների» կազմակերպության, օգոստոսի 21-ին մոտ 400 մարդ է զոհվել: 2013 թվականի օգոստոսի 28-ին թուրքական Vatan թերթի կայքում տեսանյութ է զետեղվել՝ «Քիմիական զենքը սիրիացի իսլամիստների համար արտադրվում է Թուրքիայում» վերտառությամբ: Թերթը գրում է, որ մինչ Արևմուտքը պատրաստվում է հարված հասցնել Սիրիային նպատակ ունենալով պատժել նախագահ Ասադին խաղաղ բնակիչների դեմ քիմզենքի օգտագործման համար, այս տեսանյութը պետք է հանրության ուշադրությունը դարձնի բոլոր նրանց վրա, ով ռմբակոծում է Սիրիան: Ռեակտիվներով տարաների վրա պարզ տեսանելի են թուրքերենով արված գրությունները: Արևելյան Գուտայում օգտագործված զարինով հրթիռների հեռահարությունը վկայում է այն մասին, որ դրանք չէին կարող արձակված լինել Սիրիայի զինված ուժերի կողմից: Այդպիսին է հայտնի ամերիկացի փորձագետներ, Մասաչուսեթսի տեխնոլոգիական ինստիտուտի պրոֆեսոր Թեոդոր Փոստոլի ու ՄԱԿ սպառազինության գծով նախկին տեսուչ Ռիչարդ Լլոյդի նոր զեկույցի հիմնական եզրակացությունը, որը հրապարակվել է 2014 թվականի հունվարին: Ըստ մասնագետների, Արևելյան Գուտայում կիրառված հրթիռների հեռահարությունը մոտ 2 կմ է: Այդպիսով, եթե դրանք արձակած լինեին Սիրիայի զինված ուժերը, հրթիռներն ուղղակի չէին հասնի թիրախին: Սեյմուր Հերշը ամերիկացի լրագորղ է, իրավապաշտպան, Պուլիտցերյան մրցանակի դափնեկիր, Լայպցիգի ԶԼՄ-ների Ազատ մամուլի հիմնադրամի զարգացման համար մրցանակի դափնեկիր, Ռիդենաուրի մրցանակի դափնեկիր (2005): Նա միջազգային ճանաչում ստացավ Վիետնամում պատերազմի ժամանակ, որից հետո էլ արժանացավ Պուլիտցերյան մրցանակի: Աշխատել է UPI և AP գործակալություններում, The New York Times թերթում, վերջին տարիներն New Yorker շաբաթաթերթի մեկնաբանն է: Հերշը համարվում է լավագույն ամերիկացի հեղինակներից մեկը լրագրողական հետաքննության ոլորտում: Հերշը հեղինակել է «Մարտի դաշտի նախապատրաստում. Բուշի վարչակազմը ավելացնում է գաղտնի գործողություններն Իրանի դեմ», «ԿՀՎ գաղտնի պատերազմը Չիլիի դեմ», «Կամելոտի մութ կողմը», «Օրենքով մարդասպանները» ԿՀՎ-ին ծառայելիս» գրքերը: Photo: Haffingtonpost Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» |