Ամերիկացի դիվանագետ. Ալիևի ռեժիմը վախենում է ոչ թե Ռուսաստանից կամ Իրանից, այլ սեփական քաղաքացիներից29 ապրիլի 2014 - 10:28 AMT PanARMENIAN.Net - Ադրբեջանում ԱՄՆ նախկին դեսպան (1994-1997 թթ.) Ռիչարդ Կոզլարիչը Turan-ին տված հարցազրույցում իր լուրջ մտահոգությունն է հայտնել Ադրբեջանում քաղաքական իրավիճակի վերաբերյալ, կապված լրագրողների ու քաղաքական ակտիվիստների հետապնդումների նոր փաստերի հետ: Այդ ֆոնի վրա տասնյակ ամերիկացի դիվանագետներ, կոնգրեսականներ ու պաշտոնյաներ պատրաստվում են մայիսի 29-30 մասնակցել Վաշինգտոնում կայանալիք «Ապագայի տեսլականը» խորհրդաժողովին: Այդ իրադարձությունները շատերը համարում են PR միջոցառում, որը ֆինանսավորում է Ադրբեջանի Պետնավթային ընկերությունը՝ SOCAR-ը: «Ես զբաղվում եմ ԱՄՆ ու Ադրբեջանի հարաբերություններով 1992 թվականից, բայց ես ավելի վատ իրավիճակ չեմ հիշում, քան այն, ինչ կատարվում է Ադրբեջանում այսօր», -ասել է Կոզլարիչը: Բաքվում քննադատում են Մինսկի խմբի ամերիկացի համանախագահ Ուորլիքին, իսկ Կոնգրեսի աշխատակիցներին մեղադրում են լրտեսության մեջ, միևնույն ժամանակ իշխանությունները ֆինանսավորում են Վաշինգտոնում անցնող ադրբեջանա-ամերիկյան խորհրդաժողովը, սատարելու համար ադրբեջանա-ամերիկյան ռազմավարական գործընկերությանը, նշել է Կոզլարիչը: Անդրադառնալով լրագրող Ռաուֆ Միրկադիրովի ձերբակալությանը՝ Կոզլարիչն ասել է, որ այդ հայտնի անկախ լրագրողի ձերբակալությունը Թուրքիայից արտաքսումից հետո լուրջ մտահոգություն է առաջացրել աշխարհում իրավապաշտպան խմբերի շրջանում: Կոզլարիչի համար Ռաուֆ Միրկադիրովի ձերբակալությունը «քաղաքական այլախոհության, ԶԼՄ-ների ազատության ու հայերի և ադրբեջանցիների միջև ցանկացած դրական շփում հաստատելու դեմ ուղղված Ալիևի ռեժիմի անկումային գործողությունների վերջին օղակն է»: «Ալիևի ռեժիմը վախենում է ոչ թե Ռուսաստանից կամ Իրանից, այլ սեփական քաղաքացիներից...Նրանք նույնիսկ արգելում են հյուրանոցներին տարածք տրամադրել ՈԿԿ-ներին ռեժիմը քննադատող միջոցառումներ անցկացնելու համար: Այս ամենը մեկ անգամ ևս վկայում է, որ ռեժիմին չի մտահոգում արտաքին արձաքանգը Ադրբեջանի քաղաքացիների իրավունքների ոտնահարմանը»,-ասաց Կոզլարիչը: Ինչ վերաբերում է առաջիկա ադրբեջանա-ամերիկյան խորհրդաժողովին, ապա ակնկալվում է 6 հայտնի ամերիկացի սենատորների ելույթ և էներգետիկ դիվանագիտության գծով պետքարտուղարի օգնականի տեղակալի ելույթը Եվրասիական էներգետիկ միջանցքի թեմայով հատուկ նստաշրջանում: Ադրբեջանում ԱՄՆ դեսպան Ռիչարդ Մորնինգսթարը և ՊՆ ղեկավարի օգնականի տեղակալ Էվելին Ֆարկաշը հանդես կգան «Ադրբեջան. Հուսալի ընկեր կարևորագույն գլոբալ խաչմերուկում» թեմայով նիստում: Նստաշրջաններից ոչ մեկը նվիրված չէ երկրում տիրող քաղաքական իրավիճակին: Վերջերս Ադրբեջանի դեսպանությունը վարձել էր Մասաչուսեթս նահանգից Ներկայացուցիչների պալատի անդամ Բիլ Դելեհանթին՝ մշակելու համար ԱՄՆ կառավարության ու օրենսդիրների հետ աշխատանքի կազմակերպման ռազմավարությունը, ԱՄՆ պաշտոնյաների, հնարավոր է` նաև ամերիկյան ԶԼՄ-ների հետ շփման կարգը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |