Կարկուտի ծեծած տեղը. Առատ տեղումները վտանգել են կարտոֆիլի ու այլ մշակաբույսերի ցանքատարածքները (թարմացված) 3 հունիսի 2014 - 17:06 AMT PanARMENIAN.Net - ՀՀ արտակարգ իրավիճակների նախարարություն հունիսի 3-ին` ժամը 12:35-ին, տեղեկատվություն է ստացվել, որ ժամը 03:30-ի և 06:00-ի սահմաններում տեղացած կարկուտի հետևանքով վնասվել են Սյունիքի մարզի Վերիշեն գյուղի բերքատու այգիներն ու ցանքատարածքները: Կարկուտի հետևանքով Վայոց ձորի մարզում վնասվել են Զեդեա, Թառաթումբ, Աղնջաձոր, Գլաձոր և Հերմոն գյուղերի բերքատու այգիներն ու ցանքատարածքները: Հայաստանի տարածքում տեղումները կպահպանվեն նաև առաջիկա հինգ օրերի ընթացքում: ԱԻՆ Հիդրոմետ ծառայության օդերևութաբանության կենտրոնի պետ Զարուհի Պետրոսյանը բացատրել է, որ նման առատ տեղումների պատճառը փոքր տարածաշրջանում ստեղծված ջերմաստիճանի մեծ տարբերությունն է, օրինակ Հայաստանում և Իրանում ջերմաստիճանն 10-15 աստիճանով բարձր է, քան Թուրքիայում: Այստեղ հյուսիսից սառը հոսանքեր են անցել: «Երեկվա տեղումները ցուրտ ցիկլոնի անցման հետևանք էր»,-ասել է նա` հավելելով, որ այսօր երեկոյան սպասվող զանգվածային տեղումները խոնավության գոլորշիացաման հետևանքով առաջացած ամպի հետևանք են լինլու: Առաջիկա օրերին քամու ուժգնացում է սպասվում: Առաջիկա հինգ օրերին տեղումներ սպասվում են հանրապետության ամբողջ տարածքում, միայն հունիսի 5-ին տեղումներ կլինեն հյուսիսային շրջաններում: Ագրարագյուղացիական միավորման նախագահ Հրաչ Բերբերյանի կարծիքով` վերջին օրերին դիտվող առատ տեղումները վտանգավոր են ոչ միայն խաղողի այգիների, այլև կարտոֆիլի ու այլ մշակաբույսերի ցանքատարածությունների համար: Գյուղատնտեսության նախարարությունը հունիսի 2-ին հայտարարություն է տարածել, որով զգոնության կոչ է արել այգեգործներին, քանի որ մայիս ամսվա 3-րդ տասնօրյակում հանրապետությունում գրանցված և հունիս ամսվա սկզբերին սպասվող տեղումների ու բարձր ջերմաստիճանի (+25 և բարձր) հետևանքով այգեգործական տարածաշրջաններում բարենպաստ պայմաններ են ստեղծվել խաղողի վազի միլդիու, օիդիում և պտղատու ծառատեսակների սնկային հիվանդությունների բուռն զարգացման համար: «Ես զարմանում եմ այն գերատեսչությունների վրա, որոնք հայտարարում են, որ սակավաջուր տարի է: Մենք նման վտանգի մասին հայտարարել ենք դեռ մեկ շաբաթ առաջ»,- ասել է Բերբերյանը` խորհուրդ տալով գյուղացիներին սրսկել կարտոֆիլի ցանքատարածությունները: Ապրիլի 25-ին ԱԻՆ-ում կայացած հանդիպմանը ԱԻՆ փրկարար ծառայության տնօրենի տեղակալ, գեներալ-մայոր Նիկոլայ Գրիգորյանը հայտարարել է, որ այս տարի Հայաստանում ջրի պակասի սպառնալիք կա: ԱԻՆ Հիդրոմետ ծառայության հիդրոլոգիայի կենտրոնի պետ Լևոն Ազիզյանն իր հերթին նշել է. «Ներկայիս հիդրոօդերևութաբանական պայմանները ստիպում են ավելի լուրջ մոտենալ ջրօգտագործման հարցերին, տեղումները նորմայից քիչ են գրանցվել, օդի ջերմաստիճանը` բարձր, իսկ ձյան ծածկույթի բարձրությունը զգալի քիչ է նորմայից: Գետերի ելքերը նույնպես նորմայից ցածր են, և սա նշանակում է, որ մենք պետք է ոռոգման համար նախատեսված ջուրը հնարավորինս խնամքով օգտագործենք, որովհետև տարին սակավաջուր է լինելու»: Բերբերյանը նշել է, որ այս տարի Արարատյան դաշտավայրում ու Գեղարքունիքում կարտոֆիլի ցանքատարածություններն ավելացել են, իսկ, օրինակ, Շիրակում՝ նվազել: «Շուկան է ձևավորում: Ընդհանուր առմամբ կարտոֆիլը կմնա կայուն Հայաստանում, քանի որ մենք ենք զբաղվում դրանով: Միակ ուղղությունն է Հայաստանում, որ կայուն է»,- խոստացել է Բերբերյանը, գրում է Panorama.am-ը: Մայիսի 30-ին, անդրադառնալով տարվա սակավաջուր լինելու մասին կանխատեսումներին, Բերբերյանը նշել էր, որ չնայած օդերևութաբանների կանխատեսումներին, հորդառատ անձրևների շնորհիվ գյուղատնտեսության համար տարին հաջողված էր: Անդրադառնալով կարտոֆիլի բերքին, բանախոսը տեղեկացրել է, որ կարտոֆիլի արտահանումը շարունակվում է. «Միայն այս ամիս Վրաստան ենք արտահանել 3.000 տոննա կարտոֆիլ: Նաև 700 տոննա էլիտար սերմացու ենք մեր ֆերմերներին տրամադրել»: Աշնանն արդեն նոր բերքից սպասվում են խոշոր արտահանումներ, իսկ ծիրանի միջին գինը կլինի 500-1.000 դրամ. «Ծիրանի արտահանման մասին անգամ խոսք գնալ չի կարող»: Մարտի վերջին և ապրիլի առաջին օրերին արձանագրված ցածր ջերմաստիճանի պատճառով Հայաստանում վնասվել է 9.185 հեկտար տարածք՝ մոտ 287 համայնքում 3.700 գյուղացիական տնտեսություն, հիմնականում` Արարատում և Արմավիրում, նախալեռնային ցածրադիր գոտիներում: Տրամադրելով թվերը` ՀՀ գյուղատնտեսության նախարարի տեղակալ Գառնիկ Պետրոսյանը նաև նշել է, որ նախնական հաշվարկներով ընդհանուր վնասը կազմում է մոտ 11 մլրդ 181 մլն դրամ: Photo: Getty Images Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |