ԱՄՆ. Իրանը «վեցյակի» հետ համաձայնագրի կատարումից հետո կկարողանա վառելիք արտադրել ԱԷԿ համար 4 հուլիսի 2014 - 12:37 AMT PanARMENIAN.Net - Իրանը «վեցյակի» հետ համաձայնագրի կատարումից հետո և չտարածման պահանջներին համապատասխանության դեպքում կկարողանա հարստացման սեփական ծրագիր ունենալ ու վառելիք արտադրել ԱԷԿ համար: Ճեպազրույցում նման կարծիք է հայտնել ԱՄՆ պատվիրակության ներկայացուցիչը բանակցություններում: Սակայն, ըստ նրա, քանի դեռ Թեհրանը չի ապացուցել, որ իր միջուկային ծրագիրը բացառապես խաղաղ բնույթ է կրում, հարստացման հզորությունները պետք է «կրճատվեն»: «ԱԷԿ-ների համար վառելիքի արտադրությունը պահանջում է հարստացում արդյունաբերական մասշտաբով, այդ մասին խոսք լինել չի կարող, քանի որ հիմա Իրանը նման հնարավորություն չունի, իսկ գործող հարստացման ծրագիրը մտավախություն է ներշնչում մեզ»,-ասել է ԱՄՆ ներկայացուցիչը: Սակայն, ըստ նրա, ապագայում Թեհրանն ինքը կկարողանա որոշել անհրաժեշտ հարստացուցիչ գործողության պարամետրերը: «Ինչ նրանք կորոշեն կարգավորումից հետո, համաձայնագրի պահանջները տևական ժամանակ կատարելուց ու Միջուկային զենքի չտարածման մասին համաձայնագրի պահանջներին համապատասխանելուց հետո, դա էլ կլինի նրանց ընտրությունը»,-հայտարարել է նա: Միևնույն ժամանակ ԱՄՆ ներկայացուցիչը նշել է, որ Վաշինգտոնը ելնում է նրանից, որ «Իրանը սեփական հարստացման ծրագրի կարիք չունի»: «Նրանք ունեն վառելիքի անհրաժեշտ քանակ Արակի հետազոտական ռեակտորի համար, իսկ Ռուսաստանը վառելիք է առաքում Բուշերի ԱԷԿ-ի համար»: «Մենք չենք հասկանում, թե ինչպիսին է գործնական անհրաժեշտությունը»,-եզրափակեց նա, հայտնում է ԻՏԱՐ-ՏԱՍՍ-ը: Հուլիսի 2-ին Վիեննայում մեկնարկեց Իրանի միջուկային խնդրի կարգավորման շուրջ բանակցությունների հերթական փուլը Թեհրանի ու միջազգային միջնորդների «վեցյակի» միջև: Ինչպես ակնկալվում է, բանակցությունները կտևեն մինչև հուլիսի 20-ը: Բանակցությունների նպատակն է համապարփակ համաձայնությունն Իրանի միջուկային խնդրի վերջնական կարգավորման մասին: Ըստ պլանի, այդ համաձայնագիրը պետք է պատրաստ լինի մինչև հուլիսի 20-ը: Բանակցությունների վերջին՝ հինգերորդ, փուլում պատվիրակություններն աշխատում են անմիջապես ապագա համաձայնագրի տեքստի վրա: Ըստ ՌԻԱ Նովոստի գործակալության, ՌԴ ԱԳ փոխնախարար Սերգեյ Ռյաբկովը գտնում է, որ Իրանն ու «վեցյակը» Իրանի միջուկային ծրագրի շուրջ ամփոփիչ համաձայնագիր մշակելու շանս ունեն մինչև հուլիսի 20-ը: «Մենք կարծում ենք, որ միանգամայն իրատեսական է մինչև հուլիսի 20-ը համաձայնագիրը պատրաստելը, այդ մասին է վկայում այն տրամադրվածությունը, որ առկա է խմբի անդամների մոտ»,-ասել է նա: «Աշխատանքների ծավալը մեծ է, բայց տեսանելի, ճիշտ շեշտադրումների դեպքում, փոխզիջումների արդյունքում մենք կարող ենք ամեն ինչ հասցնել մինչև հուլիսի 20-ը ու համապատասխան փաստաթուղթ մշակել»,-վստահ է ռուս դիվանագետը: «Չնայած առայժմ համեստ արդյունքներին, հունիսին տեղի ունեցած փուլն ու այն փուլը, որ սկսվեց հուլիսի 2-ին, տարբերվում են նախորդներից նրանով, որ հավաքվում է ստատիկ էներգիա, որն ընդհանուր ջանքերով պետք է ազատվի ու վերածվի շարժման էներգիայի»,-հայտարարել է Ռյաբկովը «Կոմերսանտ» թերթին տված հարցազրույցում: Ըստ նրա, այժմ «զգացվում է և մասնակցիների քաղաքական կամքը, և որոշակի տագնապ կա, որ կարելի է չհասցնել՝ դա ևս լավ նշան է»: «Բոլոր այդ գործոնները, գումարած բանախոսների փորձը, կարծում եմ, թույլ կտան տեղավորվել նախատեսված ժամկետում: Թեև քիչ ժամանակ է մնում: Բայց շանսեր կան»,-ասել է ՌԴ ԱԳ փոխնախարարը: «Ես հիմա չէի խոսի այլընտրանքային տարբերակների մասին, քանի որ պետք է կենտրոնանալ գլխավոր խնդրի վրա»,-ասել է Ռյաբկովը՝ պատասխանելով իրադարձությունների զարգացման տարբերակների մասին հարցին, եթե բանակցությունների ժամկետը չպահպանվի: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |