Պենտագոնի նախկին ղեկավարը քննադատել է ԱՄՆ նախագահին. Օբաման խարխլել է ԱՄՆ հանդեպ վստահությունը 8 հոկտեմբերի 2014 - 12:22 AMT PanARMENIAN.Net - ԱՄՆ-ում լույս է տեսնում ԱՄՆ ՊՆ նախկին ղեկավար Լեոն Պանետտայիհուշերի ժողովածուն, որտեղ նա քննադատում է գործող նախագահ Բարաք Օբամային: Պենտագոնի նախկին ղեկավար Պանետտայի «Արժանի ճակատամարտեր» (Worthy Fights) գրքում բացահայտ քննադատում է Օբամային 2011-ին զորքերն Իրաքից արագ դուրս բերելու համար: Սպիտակ տունն «այնքան էր ուզում շուտ ազատվել Իրաքից, որ որոշեց դուրս բերել զորքերը, համաձայնագրի դրույթներն ավարտին հասցնելու փոխարեն, ինչը թույլ կտար պահպանել մեր ազդեցությունը»,-գրում է Պանետտան: ՊՆ նախկին ղեկավարը բավականին կոշտ է քննադատում նաև Օբամայի դիրքորոշումը Սիրիայի հարցում՝ ըստ նրա, նախագահը պետք է հենց սկզբից սկսեր զինել Ասադի «չափավոր» ընդդիմադիրներին, սակայն չարեց դա, հայտնում է Գազետա. ռու-ն: Պանետտան մեղադրում է Օբամային «ԱՄՆ-ի հանդեպ վստահությունը խարխլելու» մեջ. ԱՄՆ նախագահը նշեց այն «կարմիր գիծը», որը Ասադը չպետք է հատեր՝ քիմզենքի կիրառումը, սակայն, երբ Սիրիայի նախագահը չվախեցավ սպառնալիքից, վճռական գործողություններ ամերիկացիների կողմից չձեռնարկվեցին: Ըստ քաղաքագետ, Միջազգային գործերի ռուսաստանյան խորհրդի փորձագետ Անդրեյ Սուշենցովի, քննադատական հիշողությունների հրապարակումը վկայում է Պանետտայի քաղաքական հավակնությունների մասին: «Գուցե, նա իրեն այլ պաշտոնում է տեսնում: Ուստի հիմա ձգտում է ցույց տալ, որ իր դերն այդ ամենի մեջ դրական է եղել: Երբ կարողացել է օգնել է, չի կարողացել՝ ջանացել է գործուն խորհուրդ տալ»,-ասում է քաղաքագետը: Ինչպես նշում է պարբերականը, Պանետտան առաջին նախկին աշխատակիցը չէ, որ դժգոհում է Օբամայից, օգտվելով Ամերիկայում տարածված քաղաքական հուշերի ավանդույթից: Ավելի վաղ նախագահին քննադատեց Պանետտայի նախորդ Ռոբերտ Գեյթսը իր «Նախարարը պատերազմում» հուշերում: Գրքում Օբամայի մասին ասվում է, որ նա որոշումներ էր կայացնում Աֆղանստանի վերաբերյալ, ղեկավարվելով քաղաքական, ոչ թե ռազմական տրամաբանությամբ: Թեև գրքում նաև դրական կարծիքներ կան, բայց գրքի հրատարակումից հետո Օբաման ստիպված եղավ արդարանալ: Ավելի վաղ Պանետտան USA Today-ին տված հարցազրույցում հայտնել էր, որ ԱՄՆ գլխավորած կոալիցիայի պայքարը ԻՊ դեմ կարող է 30 տարի տևել: Նա բացատրում է դա ԱՄՆ վարչակազմի սխալներով վերջին 3 տարում: Նա հիշատակել է նաև Օբամայի 2012-ի որոշումը Ասադի հակառակորդներին զինելու մասին, ինչը նպաստեց ԻՊ գրոհայինների հզորացմանը, հայտնում է ՌԻԱ Նովոստին: Ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Զինված հակամարտությունն Իրաքի հյուսիսում սկսվեց «Իսլամական կազմակերպության» գրոհից հետ Մոսուլի ուղղությամբ, որն ահաբեկիչները գրավեցին հունիսի լույս 10-ի գիշերը: Ըստ որոշ գնահատականների, 1300 զինյալներ գրավեցին Նայնավա գավառի կառավարական հաստատությունները, բանակային օբյեկտները և Մոսուլի միջազգային օդանավակայանը: Մոտ 500 հազար բնակիչներ փախան քաղաքից: Գրոհայինները զանգվածային մահապատիժներ են իրականացնում Իրաքի բանակի զինծառայողների ու բնակիչների շրջանում գրավյալ տարածքներում: Հայտնի է առնվազն մի քանի հարյուր սպանվածների մասին: Մարտական գործողություններն ուղեկցվում են զանգվածային բնաջնջմամբ: Ըստ արևմտյան երկրների ԶԼՄ-ների, հակամարտության գոտում արդեն մոտ 10 հազար քրիստոնյա ու եզդի է սպանվել: Իսլամիստների դեմ միջազգային կոալիցիան գլխավորող ԱՄՆ-ն ռմբակոծում է Իրաքի տարածքում գտնվող ԻՊ դիրքերը օգոստոսի կեսից, իսկ առաջին հարվածները Սիրիայի տարածքին հասցվեցին սեպտեմբերի 23-ին: Սեպտեմբերի 26-ին Պենտագոնը հանդես եկավ Իրաքում ու Սիրիայում ցամաքային գործողություն սկսելու օգտին: ԱՄՆ փոխնախագահ Ջոզեֆ Բայդենը, ելույթ ունենալով Հարվարդի համալսարանում, հայտարարել է, որ ԱՄՆ արաբ դաշնակիցներն ու Թուրքիան այն երկրների թվում են, որոնք ֆինանսական աջակցություն են տրամադրել «Ալ Քայիդա» խմբավորմանը Սիրիայում: ավելի ուշ Բայդենը ներողություն խնդրեց Թուրքիայից ու ԱՄԷ ասածի համար: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |