Կատալոնիայի բնակիչների մոտ 80%-ը կողմ է անկախությանը, դեմ՝ 4,5%-ը10 նոյեմբերի 2014 - 10:40 AMT PanARMENIAN.Net - Նոյեմբերի 9-ին կայացած ոչ պաշտոնական հանրաքվեում իսպանական Կատալոնիայի բնակչության մոտ 80 տոկոսը հայտարարել է, որ ցանկանում է, որ տարածաշրջանն անկախ պետություն լինի: Այդ մասին են վկայում քվեաթերթիկների շուրջ 90 տոկոսի մշակման արդյունքներում ստացված տվյալները: Ինչպես հայտնում է Ինտերֆաքսը, La Vanguardia թերթի վրա հղումով, հարցման մասնակիցներին առաջարկվել է պատասխանել երկու հարցի. «ցանկանո՞ւմ եք, որ Կատալոնիան դառնա պետություն» և, եթե այո, ապա «ցանկանո՞ւմ եք, որ այդ պետությունը լինի անկախ»: Երկու հարցին էլ դրական պատասխան է տվել հարցման մասնակիցների 80,72 տոկոսը կամ 1.649.239 մարդ: Իսպանիայի կազմում պետություն-Կատալոնիայի գաղափարին կողմ է արտահայտվել մասնակիցների 10,11 տոկոսը կամ 206.599 մարդ: Կատալոնիայի պետականությանը դեմ է արտահայտվել բնակչության ընդամենը 4,5 տոկոսը կամ 92.939 մարդ: Ոչ պաշտոնական քվեարկության գործընթացի կազմակերպմամբ զբաղվում էր մոտ 40 հազար կամավոր: Ըստ Կատալոնիայի իշխանությունների գնահատականների, քվեարկությանը մասնակցել է 2.250.000 մարդ: Ավելի վաղ հարցման կազմակերպիչները հայտնել էին, որ տարածաշրջանի կարգավիճակի վերաբերյալ իր կարծիքը կարող է հայտնել Կատալոնիայի մոտ 5,4 մլն բնակիչ, ում 16 տարին լրացել է: Ըստ Իսպանիայի Վիճակագրության ազգային ինստիտուտի, 2012-ին տարածաշրջանի բնակչությունը կազմում էր մոտ 7,5 մլն մարդ: Պաշտոնական Մադրիդը հարցումն անվանել է «անիմաստ» և «ոչ ժողովրդավարական վարժանք», որը ոչ մի իրավաբանական ուժ չունի և որևէ քաղաքական օգուտ չի տա Կատալոնիայի կառավարության ղեկավարին: Ի սկզբանե, Կատալոնիան մտադիր էր պաշտոնական հանրաքվե անցկացնել, սակայն իշխանությունները ստիպված եղան հրաժարվել այդ գաղափարից, երբ Իսպանիայի Սահմանադրական դատարանը իսպանական կառավարության խնդրանքով արգելափակեց 5 ամսով հանրաքվեների անցկացման մասին հռչակագրի գործողությունը: Մինչդեռ, Կատալոնիայի հիմնական կուսակցությունների շրջանում հանրաքվեի վերաբերյալ միասնություն չկա: «Կոնվերգենցիա և Կատալոնիայի միություն» խոշորագույն քաղաքական ուժը գտնում է, որ եթե ՍԴ-ն չվերացնի օրենսդրական սահմանափակումները, ապա այն անհնար կլինի անցկացնել: Վերջերս ժողովրդականություն վայելող «Կատալոնիայի ձախ հանրապետականները» հայտարարում են, որ անհրաժեշտ է այլընտրանք որոնել, բայց «եթե լինեն քաղաքական կամք ու փոխզիջում», հնարավոր կլնի նոյեմբերի 9-ին նաև հանրաքվե անցկացնել: Հոկտեմբերի 4-ին Կատալոնիայի առաջնորդ Արթուր Մասը հրամանագիր ստորագրեց նոյեմբերի 9-ին հանրաքվե անցկացնելու մասին, չնայած Մադրիդի դիմադրությանն ու ՍԴ դատավճռին 5 ամսով հանրաքվեի մասին օրենքը կասեցնելու վերաբերյալ: Անջատողական ձգտումներն ուժեղ են նաև Իսպանիայի մյուս տարածաշրջաններում՝ առաջին հերթին Բասկերի Երկրում և Անդալուսիայում: Անկախության գաղափարն արմատավորված է կատալոնացիների շրջանում, որոնք միլիոնանոց հանրահավաքներ են կազմակերպում հօգուտ անկախության:Կատալոնացիները պայքարում են անկախության համար արդեն 200 տարի՝ փաստացի, 1714 թ. Բարսելոնայի ճակատամարտում պարտվելուց հետո Իսպանիայի կազմի մեջ մտնելու պահից: Այդ ժամանակներից ի վեր արդեն 3 դար է պայքար է գնում անկախության համար: 1979 թ. Կատալոնիան ինքնավարություն ստացավ, այն ժամանակ էլ պաշտոնապես ճանաչվեց կատալոնական լեզվի գոյությունը: Տարածաշրջանի տնտեսական հաջողությունները նպաստում են անջատողական տրամադրություններին՝ 203 մլրդ եվրո ՀՆԱ-ն մոտավորապես համարժեք է Դանիայի կամ Ֆինլանդիայի տնտեսություններին, իսկ մեկ շնչի համար ՀՆԱ-ն այստեղ ավելի բարձր է, քան միջինը Իսպանիայում ու ԵՄ-ում: Տարածաշրջանի արտահանումը ընդհանուր իսպանական արտահանման 26 տոկոսն է կազմում, այդ թվում արտահանման 65 տոկոսը բաժին է ընկնում ԵՄ երկրներին: Տարածաշրջանում է գրանցված Իսպանիայում գործող բոլոր օտարերկրյա ընկերությունների 38 տոկոսը: Տարածաշրջանի բնակչությունը մոտ 7,5 միլիոն է, տարածքը՝ մոտ 32 հազար քառակուսի կիլոմետր: Անջատողական տրամադրություններն ուժեղ են նաև Իսպանիայի այլ տարածաշրջաններում՝ Բասկերի Երկրում ու Անդալուսիայում: Photo: TASS Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օհանյան․ Անհապաղ պետք է բեկում մտցնել սահմանազատման այս գործընթացի մեջ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին նույնպես թույլ չեն տալիս մտնել գյուղ Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը |