«Ֆարմ Կրեդիտ Արմենիա»-ն և ՄՀԳԽԲՀ-ն կգործակցեն. Առանցքում կրթական և փորձի փոխանակման ծրագրեր են 2 դեկտեմբերի 2014 - 16:06 AMT PanARMENIAN.Net - Վաղը՝ դեկտեմբերի 3-ին, «Ֆարմ Կրեդիտ Արմենիա» ՈւՎԿ ԱԿ-ն ու Միջազգային գործակցության գերմանական խնայբանկերի հիմնադրամը (Sparkassenstiftung für internationale Kooperation) փոխըմբռնման հուշագրի են ստորագրելու: Միջազգային գործակցության գերմանական խնայբանկերի հիմնադրամը (ՄՀԳԽԲՀ) ստեղծել է գերմանական խնայբանկերի խոշորագույն բանկային խումբը, որը հովանավորում է գերմանական տնտեսական գործակցության և զարգացման նախարարությունը (BMZ): ՄՀԳԽԲՀ նպատակն է խթանել ՀՀ-ում խնայողությունների կուտակումը՝ հաճախորդների ֆինանսական գիտելիքների բարձրացման և նրանց շահերի պաշտպանության միջոցով: Այս գործակցությունը թույլ կտա մի շարք կրթական և փորձի փոխանակման ծրագրեր իրականացնել ինչպես «Ֆարմ Կրեդիտ Արմենիա» ՈւՎԿ ԱԿ աշխատակիցների, այնպես էլ անդամ-փայատերերի մասնակցությամբ: Աշխատակիցները հնարավորություն կունենան վերապատրաստվել տարբեր ուղղություններով՝ ֆինանսներ, վարկավորում, մարքեթինգ, մարդկային ռեսուրների կառավարում և այլն, ինչպես ՄՀԳԽԲՀ հրավիրված փորձագետների, այնպես էլ փորձի փոխանակման արդյունքում հիմնադրամի հայաստանյան անձնակազմի շնորհիվ: «Ֆարմ Կրեդիտ Արմենիա»-ն ՀՀ-ում գործող միակ կոոպերատիվ վարկային կառույցն է, և այն իր գործունեությունը ծավալում է բացառապես Հայաստանի մարզերում: Ընկերությունն սկզբանե աշխատում է կորպորատիվ կառավարման սկզբունքներով և իր առաքելությամբ նպաստում է երկրում կոոպերատիվ մշակույթի ձևավորմանը: Կոոպերատիվը 2007-ին հիմնադրել են 57 հայ ֆերմեր՝ ԱՄՆ Գյուղդեպարտամենտի աջակցությամբ: Այժմ դրա անդամ-փայատերերը մոտ 4000-ն են: Ֆարմ Կրեդիտն իր 7 մարզային գրասենյակում հանրապետության տարբեր մարզերում գյուղատնտեսական և ՓՄՁ վարկեր է տրամադրում: Կազմակերպությունը մասնակցում է գերմանա-հայկական հիմնադրամի և «Գյուղական ֆինանսավորման կառույց» ԾԻԳ-ի կողմից իրականացվող Համաշխարհային բանկի ՓՄՁ վարկավորման, KfW գերմանական բանկի գյուղատնտեսական վարկավորման Ասիական զարգացման բանկի կանանց ձեռներեցությունը խթանող ծրագրերին, ՀՄՀ-Հայաստան «Ջրից դեպի շուկա» վարկային ծրագրին և Գյուղատնտեսական զարգացման միջազգային հիմնադրամի (IFAD) գյուղատնտեսական վարկավորման ծրագրին: Գյուղվարկերից բացի կոոպերատիվը 2009-ից տրամադրում է նաև գյուղտեխնիկայի լիզինգ (մինչև այս արդեն տրամադրվել է մոտ 130 միավոր տրակտոր և գյուղգործիք): Լիզինգի գծով «Ֆարմ Կրեդիտ Արմենիա»-ն գործակցում է չինական YTO ընկերության, Ար-Բե հայ-բելառուսական առևտրի կենտրոնի և այլ կազմակերպությունների հետ: Հոկտեմբերի 31-ի դրությամբ «Ֆարմ Կրեդիտ Արմենիայի» ակտիվները կազմում են ավելի քան 7.3 մլրդ դրամ, իսկ սեփական կապիտալը՝ 1.1 մլրդ դրամ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |