 Վարչապետը՝ դրամի արժեզրկման մասին. 5%-ի շրջանակում գնաճը նորմալ է 4 դեկտեմբերի 2014 - 09:21 AMT PanARMENIAN.Net - Վարչապետ Հովիկ Աբրահամյանը մեկնաբանել է դրամի արժեզրկման ու թանկացումների հետ կապված խնդիրները: «Մենք Տնտեսական մրցակցության պաշտպանության պետական հանձնաժողովի միջոցով մոնիթորինգ ենք իրականացրել, 5%-ի շրջանակներում է գնաճը, որը ես նորմալ եմ համարում»,- ասել է վարչապետն ու հավելել, որ դա պետք չէ կապել ներքին տնտեսական զարգացումների հետ. միջազգային տնտեսությունում տեղի ունեցող զարգացումների հետեւանք է: «Տարածաշրջանային տնտեսության այդ վեր ու վարի պատճառներն են, որ բացասական ազդեցություն են ունենում մեր տնտեսության վրա»,- նշել է Աբրահամյանը: «Առավոտի» հաղորդմամբ՝ վարչապետը շեշտել է՝ կառավարության համար կարևոր է, որպեսզի տնտեսության տարբեր ճյուղեր օգտվեն հնարավորություններից, և կարևոր է, որ գնաճը լինի իրատեսական: Միևնույն ժամանակ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը խորհրդարանում հայտարարել է, որ 2014-ի արդյունքներով գնաճը կհասնի մոտ 4%-ի: «Եթե թանկացումները նույն տեմպերով շարունակվեն, վստահ եմ, որ գնաճը կլինի 4%-ի շրջանակում, այսինքն՝ պետբյուջեով նախատեսված ցուցանիշների սահմաններում», - ասել է Գաբրիելյանը, հաղորդում է ԱՌԿԱ-ն:ԿԲ-ի տվյալներով, գնաճը հունվար-հոկտեմբեր ամիսներին 2013-ի նույն ժամանակահատվածի համեմատ կազմել է 2,9%: Ռուբլու փոխարժեքի անկումը բացասաբար է անդրադառնում նաև Հայաստանի տնտեսության վրա, առաջին հերթին Ռուսաստանից Հայաստան դրամական փոխանցումների ծավալի վրա: Ռուսաստանից դրամական փոխանցումների նվազման միտումը գրանցվում է արդեն հինգերորդ ամիսն անընդմեջ։ Այսպես` Հայաստան կատարված ռուսական փոխանցումների ներհոսքը հունիսին նվազել է 4,6 տոկոսով, հուլիսին` 6,6 տոկոսով, իսկ օգոստոսին` 7,7 տոկոսով, սեպտեմբերին` 7 տոկոսով, հոկտեմբերին անկումը կազմել է 19 տոկոս։ 10 ամսում Հայաստան է փոխանցվել 1,484 մլրդ դոլար 2013-ի նույն ժամանակահտվածի 1,512 մլրդ դոլարի դիմաց՝ անկումը 1,9 տոկոս: Ռուսաստանից Հայաստան 2013-ի հունվար-հոկտեմբերին փոխանցվել է 1,298 մլրդ դոլար 1,240 մլրդ դոլարի դիմաց (անկումը կազմել է 4,5 տոկոս): Որպես հետևանք, կտրուկ թուլացան նաև հայկական դրամի դիրքերը՝ նոյեմբերի 24-ին դոլարի փոխարժեքը բարձրացավ մինչև 435 դրամ: Հայկական արժույթի փոխարժեքը նվազեց միանգամից 16,6 կետով կամ գրեթե 4 տոկոսով: Նոյեմբերի 1-ին դրամի փոխարժեքը 411,26 դոլար էր: Կարդացեք նաև՝Թանկացումների դեմ զսպման մեխանիզմներ կկիրառվեն. Իմիջի հարց է   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով  Նա հավելել է, որ ԱՄՆ–ն սատարում է վրաց ժողովրդինՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալՍամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |
