Standard Bank-ի վերլուծաբանը դրամի և վրացական լարիի արժեզրկման մասին

8 դեկտեմբերի 2014 - 15:33 AMT

PanARMENIAN.Net - Վրացական արժույթն վերջին ավելի քան 10 տարում ամենացածր մակարդակին է հասել, հայկական դրամը նվազագույն արժեքն է գրանցել 2006-ից ի վեր. ռուբլու թուլացումը ցնցումներ է առաջացրել ամբողջ հետխորհրդային տարածքում:

Ինչպես գրում է Financial Times-ը, Ղազախստանն արժեզրկեց իր արժույթը՝ տենգեն, ավելի վաղ, երբ ռուբլին դեռ նոր-նոր էր սկսվում արժեզրկվել: Հիմա բարդություններ են առաջացել Հայաստանում, և հատկապես Վրաստանում:

Standard Bank-ի զարգացող շուկաների գծով վերլուծաբան Թիմոթի Էշը, մեկնաբանելով հայկական դրամի և վրացական լարիի անկումը, նշել է, որ Հայաստանի ու Վրաստանի իրողությունները նման են՝ փոքր տնտեսություններ, արժույթի կառավարվող լողացող փոխարժեք: Երկու երկրները ուժեղ մասնավարո ֆինանսական հատված ունեն, բյուջեի պակասուրդի և պետպարտքի ցածր մակարդակ, վերջին տարիներին երկու երկրներում տնտեսական աճը կազմել է 3-4 տոկոս: Երկու տնտեսությունների թույլ կողմը կախվածությունն է արտաքին ֆինանսավորումից, ինչը հանգեցնում է ընթացիկ հաշվիների պակասի ու արտասահմանյան արժույթի ծավալների սահմանափակման:

Երկու երկրի համար Ռուսաստանը կարևոր առևտրային գործընկեր է: Հայաստանում և Վրաստանում նաև մեծ է մասնավոր դրամական փոխացումների ծավալը, որը, սակայն, նվազում է Ռուսաստանում տնտեսության ցածր աճի ու նավթի ցածր գների պատճառով: Վերլուծաբանը նշում է նաև դեպի Ռուսաստան արտահանման կարևորությունը Հայաստանի ու Վրաստանի համար: Վերջինս ձգտում էր կրկին ամրացնել դիրքերը ռուսական շուկայում Սահակաշվիլիի հեռանալուն հաջորդած հարաբերությունների որոշակի մջերմացման պայմաններում: «Վերջին տարիներին Վրաստանում ռուսաստանցի զբոսաշրջիկների բում էր արձանագրվել, որոնք նորովի էին բացահայտում երկիրը խորհրդային շրջանից հետո: Այդ ամենն այժմ, ակնհայտորեն, դանդաղում է»,-գրում է նա:

«Երկու երկրներում զգալի են գյուղմթերքի արտահանումները ՌԴ և նրանք մտադիր էին շահել Ռուսաստանի դեմ պատժամիջոցներից, սակայն ռուբլու արժեզրկումը սպառնալիքի տակ դրեց այդ առևտուրը: Այսպիսով, ակնկալվում է արժույթի կառավարելի թուլացում, իսկ արժեզրկման ցածր մակարդակը նշանակում է, որ գնաճը պետք է որ համեմատաբար սահմանափակ լինի»:

Ռուբլու փոխարժեքի անկումը բացասաբար է անդրադառնում նաև Հայաստանի տնտեսության վրա, առաջին հերթին Ռուսաստանից Հայաստան դրամական փոխանցումների ծավալի վրա: Ռուսաստանից դրամական փոխանցումների նվազման միտումը գրանցվում է արդեն հինգերորդ ամիսն անընդմեջ։ Այսպես` Հայաստան կատարված ռուսական փոխանցումների ներհոսքը հունիսին նվազել է 4,6 տոկոսով, հուլիսին` 6,6 տոկոսով, իսկ օգոստոսին` 7,7 տոկոսով, սեպտեմբերին` 7 տոկոսով, հոկտեմբերին անկումը կազմել է 19 տոկոս։ 10 ամսում Հայաստան է փոխանցվել 1,484 մլրդ դոլար 2013-ի նույն ժամանակահտվածի 1,512 մլրդ դոլարի դիմաց՝ անկումը 1,9 տոկոս: Ռուսաստանից Հայաստան 2013-ի հունվար-հոկտեմբերին փոխանցվել է 1,298 մլրդ դոլար 1,240 մլրդ դոլարի դիմաց (անկումը կազմել է 4,5 տոկոս):

Դեկտեմբերի 8-ին բանկերում ու փոխանակման կետերում, ըստ rate.am-ի, մեկ դոլարի համար տալիս են 449-453 դրամ, մեկ եվրոյի համար՝ 550-556 դրամ, մեկ ռուբլու փոխարժեքն է 8,10 -8,57 դրամ:

Հղումներ թեմայով.

FT: Georgian and Armenian currencies collapse

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով