Անկարան հրաժարվում է բանակցել Եվրամիության հետ վերջինիս պահանջած ձևաչափով23 դեկտեմբերի 2014 - 16:38 AMT PanARMENIAN.Net - Թուրքիայի և Եվրամիության բանակցությունները չեն կարող շարունակվել այն ձևաչափով, որը ԵՄ-ն է պահանջում: Այդ մասին հայտարարել է ԵՄ գործերի նախարար Վոլկան Բոզկիրը, հայտնում է TRT Haber հեռուստաալիքը: Ըստ նրա, Եվրամիությունը ամբարտավան քաղաքականություն է վարում Թուրքիայի հարցում, ինչն անընդունելի է երկրի համար: ԵՄ-ին Թուրքիայի անդամակցության հարցը չի մտահոգի Թուրքիային անդամակցությունից հրաժարվելու դեպքում, նշել է նա: Նա նշել է, որ ժողովրդավարությունը Թուրքիայում ավելի բարձր մակարդակում է, քան Եվրոպայի որոշ երկրներում: ԵՄ-ին Թուրքիայի անդամակցության շուրջ բանակցությունները վերսկսվեցին 2005-ին, սակայն Բրյուսելի տարաձայնություններն Անկարայի հետ Կիպրոսի հարցում և այն, որ եվրոպացի քաղաքական գործիչներից շատերը չեն ցանկանում մահմեդական երկիր ունենալ միության կազմում, փակուղի հասցրին բանակցությունները: Ավելի վաղ նախկին վարչապետ, Թուրքիայի նախագահ Էրդողանը հայտարարել է, որ «ԵՄ-ն շարունակում է մոլորեցնել Թուրքիային անդամակցության հարցում, և նման իրավիճակը վշտացնում է», հայտնում է «Թրենդը»: Թուրքիայի փոխվարչապետ Բյուլենթ Առինչը ավելի վաղ ասել էր, որ Թուրքիայի անդամակցությունը ԵՄ-ին կորցրել է գրավչությունը երկրի քաղաքացիների համար: Ըստ նրա, եթե նախկինում ԵՄ-ին անդամակցելուն կողմ էր Թուրքիայի բնակչության 75 տոկոսը, ապա այժմ դա է ցանկանում քաղաքացիների ընդամենը 20 տոկոսը: Ընդլայնման գծով եվրահանձնակատար Յոհաննես Հանը օրերս հայտարարել էր, որ ԵՄ-ին Թուրքիայի անդամակցության շուրջ բանակցությունները կարող են վերսկսվել հունվարին, երբ Լատվիան կնախագահի Եվրամիությունում: Այդ մասին եվրոպացի պաշտոնյան ասել էր Անկարայում կայացած մամուլի ասուլիսում, որտեղ նա գտնվում էր աշխատանքային այցով եվրոպական դիվանագիտության ղեկավար ֆեդերիկա Մոգերինիի և հումանիտար օգնության գծով եվրահանձնակատար Խրիստոս Ստիլիանդիսի հետ: «Գործը ճիշտ ուղղությամբ է շարժվում»,-ասել է Հանը: Բացի այդ, եվրոպական պատվիրակությունն անդրադարձավ «ԻՊ» դեմ պայքարին ու Թուրքիայում ապաստանած սիրիացի փախստականներին օգնելուն: Ըստ Մոգերինիի, թուրք վարչապետ Ահմեդ Դավութօղլուի հետ բանակցություններում քննարկվել են ԻՊ գրոհայինների մասին տեղեկությունների փոխանակման ու նրանց դեմ համակարգված պայքարին առնչվող հարցեր: Նա նաև հայտարարել է, որ Թուրքիային փախստականների համար 70 մլն եվրո օգնություն հատկացնելու հարցը քննարկման ավարտական փուլում է: Թուրքիան ԵՄ-ին անդամակցելու հայտ է ներկայացրել դեռ 1987-ին, իսկ 1999 թ. ստացել է թեկնածու երկրի կարգավիճակ: Միությանն անդամակցելու մասին բանակցությունները սկսվել են 2005-ին: Սակայն 35 անհրաժեշտ պայմաններից Թուրքիան մինչ օրս բավարարել է միայն 13-ին, ընդ որում ամենամեծ առարկություններն առաջացնում է տարածքային վեճը Կիպրոսի հետ ու ժողովրդավարացման խնդիրները երկրի ներսում: Նախորդ տարվա հոկտեմբերի 16-ին եվրահանձնաժողովը հրապարակեց նոր ամենամյա զեկույցը ԵՄ-ին Թուրքիայի անդամակցության գործընթացի մասին՝ առաջարկելով վերսկսել բանակցություններն ու շտապեցնել Թուրքիային ժողովրդավարացման հարցում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | 4-6 աստիճանով կտաքանա՝ Երևանում +30 աստիճանից ավելի կլինի Երևանում՝ ապրիլի 24-28-ը սպասվում է առանց տեղումների եղանակ Ալիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա ԱՄՆ Սենատի փորձագետն ու ԱՄՆ դեսպանն այցելել են Ծիծեռնակաբերդ ՀՑԹԻ տնօրենն անդրադարձել է Ադրբեջանի կառավարության կազմակերպած կոտորածներին Տավուշ-Ղազախ հատվածում տեղադրվել է առաջին սահմանային սյունը․ Փաշինյանը լուսանկար է հրապարակել Երկու երկրների փորձագիտական խմբերի աշխատանքները շարունակվում են |